AAS 74 - Vaticano

1308 Acta Apostolicae Sedis - Commentarium Officiale
b) Licentiae specializatae: studentibus, qui saltem per ulterius
biennium seu quattuor semestria operam dederint cursibus monogra-
phicis et exercitio inquisitionis scientificae, idoneam dissertationem con-
scripserint, peculiareque examen generale de potioribus disciplinis in
biennio traditis superaverint ;
c) Doctoratus : studentibus, qui, post congruum tempus a propriis
Statutis definitum, in accuratiores inquisitiones scientificas incubuerint
publicique iuris fecerint partem saltem dissertationis doctoralis, quae ad
scientiae profectum vere conferat.
Sacrum dein Dicasterium erectam nunc Theologicam Facultatem sub
auctoritate et patrocinio totius Conferentiae Episcopalis Mexicanae con­
stituit, cui religiose mandat ut eandem studiose iugiter promoveat, fo­
veat augeatque, prout altissima dignitas academica, qua Facultas in­
signitur, omnino requirit.
Eadem igitur Sacra Congregatio Praesidem pro tempore laudatae
Conferentiae Episcopalis Mexicanae, nunc Em.mum ac Rev.mum D.
D.num Ernestum S.R.E. Cardinalem Corripio Ahumada, Archiepisco­
pum Metropolitam Mexicanum, ipsius Facultatis Magnum Cancella­
rium nominat atque renuntiat, qui Facultati invigilet, orthodoxiam di­
ligenter in ea tutetur, bonos mores ecclesiasticamque disciplinam ser­
vet, et omnibus ac singulis Docentibus missionem canonicam veniamve
docendi ad normam laudatae Apostolicae Constitutionis conferat au-
feratque.
Facultatis structura, munera Magni Cancellarii, Auctoritatum et
Officialium eiusdem Facultatis, Docentium et Studentium, et, praeci­
pue, programmata rationesque studiorum, praesertim vero ad activam
studentium participationem optimamque eorum formationem intellectua­
lem, sacerdotalem et pastoralem quod attinet, in peculiaribus Statutis,
ab hac Sacra Congregatione hodierna die approbatis, definiuntur.
Servatis ceteris de iure servandis, contrariis quibuslibet minime ob­
stantibus.
Datum Romae, ex aedibus Sacrae Congregationis, die xxix mensis
Iunii, in Festo Ss. Petri et Pauli, App., anno Domini MCMLXXXII.
L. B S.
VILLELMUS Card. BAUM, Praefectus
Antonius M. Javierre Ortas, Archiep. tit. Meten., a Secretis