AAS 74 - Vaticano

1188 Acta Apostolicae Sedis - Commentarium Officiale
SACRA CONGREGATIO
PRO CAUSIS SANCTORUM
i
VICARIATUS APOSTOLICI ALEPPEN.
Beatificationis seu declarationis martyrii Servorum Dei Salvatoris Lilli
de Cappadocia, Sacerdotis professi Ordinis Fratrum Minorum et Septem
Sociorum in odium Fidei, uti fertur, anno 1895 intefectorum.
SUPER DUBIO
An constet de martyrio eiusque causa et de signis seu miraculis, in
casu et ad effectum de quo agitur.
Nobilis Armenorum natio, ex quo tempore christianam fidem re­
cepit, tenaciter semper ei adhaesit, non obstantibus periculosis histo­
riae religiosae et civilis vicissitudinibus, quae vel eam in parte ab uni­
tate catholica separarunt, vel sub Mahumetica dominatione posuerunt
ac subsequentibus emigrationibus notabiliter depopularunt. Communi­
tates autem Armenorum, ex huiusmodi dispersione, inter Turcarum
gentes, in ambitu hostili commorari coactae, singulari constantia et
fortitudine excellere oportebat ut identitatem christianam, undequaque
ab Islamismo circundatam, integram incolumemque servare possent.
Itaque Fratres Minores in Custodia Terrae Sanctae operantes, quo­
rum actuositas satis ultra Palaestinam extendebatur, ac Libanum quo­
que ac Syriam, Aegyptum, Cyprium et Turchiam attingebat, cum rem
attente considérassent, pastoralem suam sollicitudinem hisce etiam Ar­
menorum communitatibus praestandam esse censuerunt. Quare Ale­
xius de Livorno, anno 1850, cum Armenis civitatis Adanae in Cilicia,
in Armenia, quam dicunt, Minore, contactus iniens, 170 familias ex eis
in Ecclesiae Romanae unitatem restituere valuit. Alius vero Frater Mi­
nor, Iesualdo nomine, anno 1856, ultra 2.000 similiter Ármenos, in op­
pido Mardsh eidem Ecclesiae Romanae aggregavit. Atque ita, post pau­
cos annos, in districtu Marash, intra fines Vicariatus Apostolici Alep-
pensis, decem instituebantur stationes missionariae, MugiuJc-Deresi,
Jenige-Kale, Don-Kale et aliae, ubi Fratres Minores de parvis com­
munitatibus Armenorum curam gerebant.