AAS 74 - Vaticano

110 Acta Apostolicae Sedis - Commentarium Officiale
Praeterea, adhuc in praesens, in magna nostrae societatis
parte multae supersunt affligentis discriminis formae, quibus
peculiares nonnulli mulierum ordines graviter laeduntur, veluti
mulieres nuptae filiis carentes, viduae, a marius disiunctae,
uxores divortio digressae, matres innuptae.
De his aliisque discriminibus Synodi Patres sunt conquesti
omnibus viribus; petimus ergo ut omnes pastoralem operam
peculiarem explicent validiorem atque efficaciorem adeo ut funditus
memorata discrimina de medio tollantur et sic ad plenam
perveniatur existimationem imaginis Dei, quae in omnibus
refulget hominibus, nullo excepto.
25. Inter hanc autem communionem communitatemque familiarem
et coniugalem vir invitatur ut donum suum et munus
mariti ac patris vivendo perficiat.
In uxore quidem consilium Dei videt impleri : « Non est
bonum esse hominem solum; faciam ei adiutorium simile
sui », 67
Adamique, primi mariti, suas facit voces : « Haec nunc
os ex ossibus meis et caro de carne mea! ». 68
Verus amor coniugalis pro concesso sumit ac poscit ut vir
altam colat observantiam aequalis dignitatis mulieris : « Non
es dominus », ita scribit Sanctus Ambrosius, « sed maritus : non
ancillam sortitus es, sed uxorem ... Redde studio vicem, redde
amori gratiam ». 69
Cum uxore sua virum oportet vivere in « peculiari
... personalis amicitiae forma ». 70
Porro christianus adigitur
ut novi amoris affectum foveat, erga propriam uxorem
ostendens caritatem simul suavem simul fortem, quam Christus
in Ecclesiam habet. 71
Amor autem in uxorem iam matrem factam et amor pariter
adversus filios viro via sunt naturalis ad intellegendam atque
47
68
69
70
71
Gn 2, 18.
Ibid., 2, 23.
S. Ambrosius, Exameron, V, 7, 19: CSEL 32, I, 154.
Paulus PP. VI, Litt. Enc. Humanae vitae, 9: AAS 60 (1968), 486.
Cfr. Eph 5, 25.