AAS 74 - Vaticano

1088 Acta Apostolicae Sedis - Commentarium Officiale
tis apostolicae fons, verae laetitiae vel inter dolores et moerores se­
cretum.
Sanctitatis vitae, virtutum et miraculorum fama Servae Dei per-
crebrescente, Causa de Beatorum Caelitum honoribus eidem decernendis
agi coepta est. Hac de re Processus Ordinaria auctoritate annis 1931-1941
constructi sunt in Curia Divionensi, aliique rogatoriales, qui dicuntur,
et suppletivi, inter annos 1933-1950, Sacraeque tunc Rituum Congrega­
tioni exhibiti. Interim plures Em.mi Cardinales, Archiepiscopi, Epi­
scopi, Abbates et Moderatores religiosorum et religiosarum innumerique
fideles, ex longinquis etiam Africae, Americae et Extremi Orientis re­
gionibus, instantes preces, beatificationem eiusdem Dei ancillae postu­
lantes, Summis Pontificibus obtulerunt. Decreto super scriptis Dei
Famulae die 28 Ianuarii a. 1944 edito, Ioannes Pp. XXIII, praemissa
rituali disceptatione, die 25 Octobris a. 1961 sua ipsius manu Commis­
sionem introductionis Causae signavit. Deinde, annis 1963-1965 Pro­
cessus Apostolica auctoritate in Curiis Divionensi, Parisiensi et Tolo-
sana adornati sunt. De omnium vero harum inquisitionum iuridica
validitate decreta die 5 Iulii a. 1969 et die 13 Martii a. 1970 exierunt.
Instante Rev.do P. Simeone a S. Familia, Postulatore Generali Or­
dinis Carmelitarum Discalceatorum, instituta postea est disceptatio su­
per virtutibus in specie Servae Dei, et quidem die 24 Novembris a. 1981
in Congressu Peculiari, qui vocatur, qui uno Officiali Praelato et sex
Consultoribus constabat; deinde in Congregatione Plenaria Patrum
Cardinalium die 6 Aprilis a. 1982 habita, ponente seu relatore Em.mo
ac Rev.mo D. Mario Aloisio Cardinali Ciappi. Qui omnes proposito du­
bio, cum Serva Dei Elisabeth a SS. Trinitate théologales necnon et car­
dinales virtutes eisque adnexas heroicum in modum exercitavisset, una­
nimiter affirmantes responderunt.
De praemissis omnibus certior factus per infrascriptum Cardinalem
Praefectum die 11 mensis Maii a. 1982, Summus Pontifex Ioannes Pau­
lus II responsum Patrum Cardinalium ratum habens, mandavit ut De­
cretum super heroicis virtutibus Servae Dei appararetur.
Quod cum rite factum esset, Sanctitas Sua, hodierna die, ad se
accitis Cardinalibus infrascripto Praefecto atque Mario Aloisio Ciappi,
Causae ponente seu relatore, meque Antistite a secretis ceterisque de
more convocandis, iisdemque adstantibus edixit : Constare de virtuti­
bus theologalibus Fide, Spe, et Caritate tum in Deum tum in proxi­
mum, necnon de cardinalibus Prudentia, Iustitia, Temperantia et For-