Create successful ePaper yourself
Turn your PDF publications into a flip-book with our unique Google optimized e-Paper software.
Til hamingju<br />
með nýja og vandaða leikfangamódelið. Vinsamlegast lesið þessar<br />
leiðbeiningar vandlega áður en byrjað er að nota módelið. Hér<br />
á næstu síðum er að finna nauðsynlegar upplýsingar og ábendingar<br />
um rétta meðhöndlun vörunnar.<br />
Geymið leiðbeiningarnar á vísum stað.<br />
Við vonum að þessi vara frá SIKU eigi eftir að veita mikla ánægju.<br />
Sieper GmbH<br />
Mikilvægar upplýsingar<br />
Þegar leikfangið hefur verið tekið úr umbúðunum skal athuga<br />
hvort það hafi orðið fyrir skemmdum við flutning. Leita skal til<br />
söluaðila ef einhverju reynist vera ábótavant.<br />
Lesið þessar leiðbeiningar vandlega áður en byrjað er að nota leikfangið.<br />
Hér er að finna mikilvægar upplýsingar um öryggi notenda<br />
sem og um notkun og umhirðu þessarar SIKUCONTROL32-vöru.<br />
Geyma skal leiðbeiningarnar á vísum stað til síðari nota eða<br />
vegna hugsanlegra ábyrgðarkrafna. Þessi SIKUCONTROL32-vara er<br />
hönnuð samkvæmt nýjustu öryggisreglum og framleidd undir<br />
stöðugu gæðaeftirliti. Niðurstöður þessa eftirlits hafa áhrif á þróunarferlið.<br />
Af þessum sökum áskiljum við okkur rétt til að gera breytingar<br />
á tækni og hönnun í því skyni að geta ávallt boðið viðskiptavinum<br />
okkar upp á vörur í hæsta gæðaflokki. Ef einhverju reynist<br />
engu að síður vera ábótavant skal hafa samband við söluaðila.<br />
Öryggisupplýsingar<br />
Aðeins má nota módelið í fyrirhuguðum tilgangi, þ.e. sem leikfang<br />
og á þurrum stað innandyra. Öll önnur notkun er óheimil<br />
og getur verið hættuleg. Framleiðandi tekur ekki ábyrgð á tjóni<br />
sem hlýst af rangri notkun.<br />
Verjið módelið gegn vætu!<br />
Af öryggisástæðum má ekki nota leikfangið nálægt brekkum,<br />
tröppum, götum, lestarsporum, vatni, hitablásurum, pollum,<br />
sandkössum o.s.frv.<br />
Gætið þess að ekki sé byrjað að nota leikfangið fyrr en einhver<br />
fullorðinn hefur skoðað og gangsett módelið og fjarstýringuna.<br />
Aðeins fullorðnir mega skipta um rafhlöður.<br />
Módelið samræmist tilskildum ákvæðum um öryggi (skv.<br />
88/378/EBE, 2004/108/EB og 2009/48/EB) og hefur verið prófað<br />
af TÜV-GS. Viðgerðir sem ekki eru framkvæmdar á réttan hátt og<br />
hvers kyns breytingar (s.s. ef upprunalegir íhlutir eru fjarlægðir,<br />
óleyfilegum íhlutum er bætt við eða gerðar eru breytingar á rafeindabúnaði<br />
) geta skapað hættu fyrir notendur.<br />
Notast er við útvarpsbylgjur á tíðnisviðinu 2,4 GHz til að stýra<br />
módelinu. Ekki hefur verið sýnt fram á að útvarpsbylgjur af þessu<br />
tagi valdi heilsutjóni ef notkun er með fyrirhuguðum hætti. Útsendingarstyrkur<br />
þessa módels er umtalsvert undir þeim<br />
mörkum sem lög leyfa.<br />
Jafnvel þótt þráðlausi búnaðurinn veiti mikið öryggi gegn truflunum<br />
er aldrei hægt að útiloka truflanir vegna umhverfisáhrifa<br />
eða annars búnaðar sem sendir frá sér útvarpsbylgjur. Truflanir af<br />
þessu tagi geta takmarkað drægi þráðlausa búnaðarins.<br />
Sýna skal börnum hvernig nota á módelið á réttan hátt og fræða<br />
þau um mögulegar hættur.<br />
Hafa skal í huga að leikþörf og skapgerð barna getur leitt til aðstæðna<br />
sem ekki er hægt að sjá fyrir og framleiðandi getur ekki tekið ábyrgð á.<br />
Enda þótt nánast sé útilokað að börnum geti stafað hætta af<br />
notkun módelsins, svo fremi sem hún er með fyrirhuguðum<br />
hætti, skal ávallt hafa auga með börnum þegar þau leika sér með<br />
módelið.<br />
Við þrif og umhirðu á módelinu og fjarstýringunni skal eingöngu<br />
nota þurra hreinsiklúta sem skilja ekki eftir sig kusk.<br />
Gætið þess að taka módelið ekki upp frá jörðu fyrr en hjól þess<br />
eru hætt að snúast.<br />
44<br />
Gætið þess að fingur, hár og víður klæðnaður fari ekki nálægt drifhjólunum<br />
eða afturtenginu á meðan kveikt er á módelinu (aflrofinn<br />
er á “ON”).<br />
Til að koma í veg fyrir að hægt sé að setja módelið í gang í ógáti<br />
skal taka rafhlöðurnar úr því að notkun lokinni. Setjið eingöngu<br />
rafhlöður eða hleðslurafhlöður af gerðinni “AAA” í módelið og<br />
fjarstýringuna.<br />
Til að tryggja að módelið uppfylli öryggisviðmið til lengri tíma<br />
skal einhver fullorðinn athuga reglulega hvort skemmdir séu sjáanlegar<br />
á því.<br />
Gæta skal þess að jafnvel þótt fjarstýringin sé notuð á fyrirhugaðan<br />
hátt geta komið fram verkir í höndum, handleggjum, öxlum,<br />
hnakka og öðrum líkamshlutum (t.d. stífleiki). Ef langvarandi eða<br />
endurtekin einkenni líkt og óþægindi, verkir, sláttur, fiðringur, doði,<br />
bruni eða stífleiki koma fram skal ekki líta framhjá þeim heldur leita<br />
tafarlaust til læknis!<br />
Módelið hentar ekki fyrir einstaklinga með skerta líkamsgetu,<br />
hreyfigetu eða andlega getu eða fyrir einstaklinga sem skortir<br />
reynslu og þekkingu, nema að viðkomandi fái tilsögn hjá ábyrgðarmanni.<br />
ATHUGIÐ: Þráðlaus 2,4 GHz búnaður módelsins er ekki<br />
samhæfur við SIKUControl-módel sem stjórnað er með<br />
þráðlausri fjarstýringu með vörunúmerinu 6708 (vörunúmer:<br />
6718/6719/6720/6721/6722/6723/6724/6725/6726/6727/6728/<br />
6729/6761/6762/6763/6764/6765/6766/6768/6769/6770/6771/<br />
6772/6773)<br />
Áður en kveikt er á leikfanginu í fyrsta sinn:<br />
1. Færið aflrofa módelsins í stöðuna “OFF”.<br />
2. ATHUGIÐ: Aðeins fullorðnir mega skipta um rafhlöður!<br />
ATHUGIÐ: Rafhlöður eða hleðslurafhlöður (3 x AAA) fyrir módelið<br />
fylgja ekki með. Nota skal módelið á þurrum stöðum og<br />
verja það fyrir óhreinindum – einkum ryki og raka. Ef þörf<br />
krefur skal þurrka af því með þurrum klút. Gæta verður þess<br />
að valda ekki skammhlaupi í tengjum módelsins.<br />
3. Rafhlöðuhaldan er fest með skrúfu.<br />
4. Losið um skrúfuna með viðeigandi skrúfjárni og dragið<br />
rafhlöðuhölduna varlega úr módelinu.<br />
5. Setjið rafhlöður af gerðinni “AAA” í rafhlöðuhölduna. Gætið að<br />
merkingunum sem segja til um hvernig setja skal rafhlöðurnar<br />
í hölduna.<br />
6. Setjið rafhlöðuhölduna varlega í módelið aftur, setjið skrúfuna<br />
í og herðið hana með viðeigandi skrúfjárni.<br />
ATHUGIÐ: Ef notaðar eru hleðslurafhlöður (af gerðinni AAA)<br />
minnkar hraði módelsins til muna þar sem lægri spenna er<br />
á hleðslurafhlöðunum!<br />
Ef notaðar eru hleðslurafhlöður er mælt með AAA-NiMHrafhlöðum<br />
(nikkelmálmhýdríð). Gætið að þessari merkingu<br />
þegar keyptar eru AAA-hleðslurafhlöður.