MOLUSKUEN LISERI-GURUINEKO EPITELIOAREN ... - Euskara

Emaitzak eta eztabaida
CTRk BSDen kuantifikazioaren gain duen
eragina
AMG bitartez errebelatutako lisosomen barneko
BSDak, irudi-analisiaren bitartez kuantifika
daitezke, horrela estimatutako Vv BSD parametroak
ingurumeneko metal bioeskuragarrien mailak
adierazi litzakeelarik (Soto & Marigómez, 1997b).
BSD espezifikoki liseri-zeluletan eratzen direla
aintzat hartuz gero, metal kutsatzaileek beraiek
eragindako CTR moduko efektuek AMG bitartez
estimatutako metalen ingurumen-mailen gainean
eragina izan dezakete. Izan ere, Soto & Marigómez-
ek (1997b), arazo horretaz jabetuta, Vv BAS eta
Vv BSD batera aintzat hartzen zituen protokolo bat
proposatu zuten metalen esposizio-mailak
muskuiluen liseri-guruinean AMG aplikatuz
estimatzeko.
Ikerlan honetan, balizko eragin hori laborategiko
esperimentuetan oinarrituta aztertu dugu. Horrela,
Cd pean mantendutako muskuiluen kasuan, Vv BAS
nabarmenki igotzerakoan, Vv BSD balioek
beherantz egin edo, behintzat, ez zuten
tratamenduaren ondorioz gorantzago egin.
Esaterako, muskuiluak 80 µg/l-ko Cd
kontzentrazioaz tratatzean Vv BSD balio altuenak 1.
egunean lortu ziren (1. esperimentua), eta denbora
aurrera joan ahala Vv BSD balioak mantendu edo
jaitsi egin ziren, Vv BAS balioen gorakadarekin
batera. Halaber, BaP eta Cd + BaP tratamenduen
ondorioz erantzun berbera ikusi dugu (4.
esperimentua), eta baita 10 µg/l-ko Zn
kontzentrazio pean 1 eta 7 egunez mantendutako
muskuiluen kasuan ere. Zn-aren kasuan, ordea,
CTR esperimentuko 7. egunean ageri zen. Bertan,
96
1. egunean Zn kontzentrazio tisularra eta Vv BSD
altuak izan ziren bitartean, 7. egunean jaitsi egin
ziren, Vv BAS gorakadarekin batera.
Gainera, muskuiluak CTR induzitzen ez duten
Cd eta Cu kontzentrazio baxuez tratatzerakoan
Vv BSD balioen dinamikan ez da erregistratu
aldaketarik esperimentuan zehar (2. eta 3.
esperimentuak). Izan ere, 10 µg Cd/l
kontzentrazioz trataturiko bigarren esperimentuko
muskuiluetan, Vv BSD esangarriki igo zen bitartean,
Vv BAS ez zen aldatu.
Bestalde, Cd pean egon ostean 14 eguneko
arazketa-aldiak, Cd kontzentrazio tisularraren
igoera sortarazi zuen liseri-guruinean, aldi berean
Vv BSD jaitsi zen arren. Itxuraz zentzu gutxiko
aldaketa horiek, liseri-epitelioaren zein ondoko
ehunen osaketa zelularraren aldaketekin erlaziona
litezke. Alde batetik, liseri-epitelioaz gain inguruko
ehun konektiboan eta hemozitoetan ere meta
daiteke kadmioa (Soto et al., 1996a), eta Vv BSD
balioek liseri-lisosometan dauden BSDei soilik
dagozkie. Izan ere, Vv BSD balioak kalkulatzeko,
beste zeluletan dauden BSD zein AMGk errebelatu
ez dituen metalak ez dira kontuan hartu, AAS
aplikatzean, berriz, metal frakzio guztiak batera
barneratzen dira. Gainera, liseri-lisosometan
metatutako Cd-a liseri-dibertikuluen argira
kanporatzen da, ondoren gorotzekin batera
eliminatua izateko (Marigómez et al., 2002).
Hondakin horiek BSDetan joriak dira, eta irudi-
analisi bitartez ez dira kuantifikatu; analisi
kimikoetan, ordea, hondakin horiek daramaten
metala ere neurtu den bitartean.