MOLUSKUEN LISERI-GURUINEKO EPITELIOAREN ... - Euskara

Arazo horri erantzuna emateko asmoz,
AMGrekin batera metal-espezifikoak diren X izpien
mikroanalisia eta X izpien mapaketa izeneko
teknikak (Morgan et al., 1997) aplikatu egin dira
ikerlan honetan.
X izpien mikroanalisiek erakutsi dutenez, Cd eta
S-a kolokalizatuta agertu dira BSDetako Ag-arekin
batera, X izpien mapaketaren bidez konfirmatu
dena. Horrela, Ag-a Cd-aren inguruan, BSDak
eratuz, nukleatu dela ikusi dugu. Bertan S ere
egoteak seguruenik Cd-metalotioneina (Cd-MT)
konplexuen presentziaren frogatzat har liteke, aldez
aurretik proposatu den bezala (Soto et al. 1996a).
MT-k metalen presentzian induzigarri eta S-tan
aberatsak diren proteinak dira, aminoazido guztien
%33-a zisteinak direlarik (Pavicic et al., 1991; Isani
et al., 2000; Roesijadi, 1994; 2000). MT nukleoan,
zein zitosolean eta lisosometan ager daitezke
(Langston et al., 1998).
Cd-z trataruriko magurioetan, AMGk liseri-
epitelioan metatutako Cd-aren frakzio bat soilik
erakutsi dezakeela proposatu da (Soto et al.,
1996b). Gure ikerlanak hipotesi hori sustatu du.
Izan ere, X izpien mapaketen emaitzen arabera,
Cd-a eta S-a liseri-zelulen lisosometatik kanpo,
zitosolean zein nukleoan, kolokalizaturik leudeke,
bertan BSDrik ez badago ere. Emaitz horiek Cd-MT
konplexuen presentziarekin erlaziona daitezke.
AMGk, lisosometako entzimek Cd-MT konplexua
liseritu ondoren soilik Cd-a detektatuko lukeen
bitartean, ezingo luke zitosoleko Cd-MT
konplexuetan estuki loturik dagoen Cd-a errebelatu,
Cd ioiak Ag-arekiko behar bezain eskuragarriak ez
direlako.
Zelula-moten ordezkapena kutsatzaileen pean jarritako muskuiluen liseri-guruinean
Ondorioz, Cd pean egondako muskuiluen liseri-
zeluletan AMG bitartez Cd-a lokalizatu dugula esan
genezake, Cd-aren frakzio osoaren zati bat baino
ez bada ere, lisosometan Cd-MT konplexu
liserituetakoa hain zuzen. Beraz, AMG bitartez
errebelatutako Cd-aren frakzioa liseri-zeluletako
lisosometan lokalizatu da espezifikoki. Horrek ez du
esan nahi Cd-aren beste frakziorik ez dagoenik
liseri-zelulen beste konpartimentuetan edo, zelula
basofilikoetan ere; baina, behintzat, frakzio horiek
ezin dira AMG bitartez lokalizatu.
9. Irudia: Muskuilu kontroletan (puntu zuriak) eta Cd dosi bien
pean (lerro grisa = 10 µg/l eta lerro beltza = 80 µg/l)
mantendutako muskuiluetan kalkulatutako parametro
estereologikoak. (A) Irudi-analisi bitartez neurtutako BSDen
dentsitate bolumetrikoa. (B) Liseri-guruineko zelula
basofilikoen dentsitate bolumetrikoa. Segmentu bertikalek
desbidazio estandarra adierazi dute.
95