MOLUSKUEN LISERI-GURUINEKO EPITELIOAREN ... - Euskara
MOLUSKUEN LISERI-GURUINEKO EPITELIOAREN ... - Euskara
MOLUSKUEN LISERI-GURUINEKO EPITELIOAREN ... - Euskara
Create successful ePaper yourself
Turn your PDF publications into a flip-book with our unique Google optimized e-Paper software.
Hipotesi eta helburuak<br />
kalitatearen jarraipen programetan egindako hainbat neurketetan. Hortaz, zelula-moten<br />
ordezkapenak neurketa hauetan hainbat alditan behatutako emaitza eztabaidatsuetan<br />
eragina izan ote dezaken argitu beharra dago.<br />
HIPOTESIA<br />
Moluskuen liseri-guruineko epitelioaren berriztapena zelula helduen zatiketa<br />
autologoz burutzen da eta aldagai naturalen pean alda daiteke. Esaterako, liseri-epitelioan<br />
ingurumen-estresak bultzatutako zelula-moten ordezkapena, zelula basofilikoen<br />
proliferazio areagotuak eragiten du. Bederen, zelula-moten osaketaren aldaketa horrek,<br />
kutsaduraren jarraipen-programetan erabilitako zenbait biomarkatzaileen gainean eragina<br />
du.<br />
HELBURUAK<br />
Aipatutako hipotesia frogatzeko asmoz, ikerlan honetarako hurrengo helburu<br />
orokor hauek proposatu ditugu:<br />
1.- Moluskuen liseri-guruinaren epitelioaren berriztapena zelula amen edo zelula<br />
helduen zatiketaz ematen den argitzea.<br />
2.- Epitelioaren berriztapenaren dinamika ezagutzea eta beren gain zeintzu<br />
faktorek eragiten duten zehaztea.<br />
3.- Moluskuen liseri-guruinean gertatzen den zelula-moten ordezkapena, zelula<br />
basofilikoen proliferazioak eraginda dagoen antzematea.<br />
4.- Aldaketa horiek kutsaduraren jarraipenerako erabiltzen diren ohiko hainbat<br />
biomarkatzaileen gainean nolako eragina duten zehaztea.<br />
Ikerlanaren helburu orokor horiek segidan azalduko diren eta “Emaitzak eta<br />
Eztabaida” atalean ekin diegun honako helburu espezifiko hauetan xehatu dira.<br />
1.- Kutsatzaile metaliko zein organikoek, muskuiluen liseri-guruineko epitelioan<br />
zelula-moten ordezkapena noiz, nola eta zein puntutaraino eragin dezaketen jakitea.<br />
2.- Muskuiluen liseri-guruineko epitelioko zelula-moten ordezkapenak<br />
autometalografiaz errebelatutako zilarrezko hauspeakin beltzen hedapena gisako<br />
biomarkatzaileen gainean nolako eragina duen zehaztea.<br />
72