MOLUSKUEN LISERI-GURUINEKO EPITELIOAREN ... - Euskara

Epitelio-ehunen berriztapena
Urdaileko zelula amak identifikatu ez diren arren, zatiketa zelularren irudiak
argitaratzeaz gain, proliferazio zelularra aztertzeko 3H-T bidezko markaketaz baliatu diren
ikerlanak burutu egin dira (Leibson & Frolova, 1994). Dirudienez, mitosia gertatutakoan,
zatitzear dauden zelulek xafla basaletik urrundu behar dute, eta lumenaren aldera
migratzen dute, ondoren zelula kumeek berriro ere epitelioaren oinalderaino itzuliz (Mix,
1972). Antzeko prozesua Crenomytilus grayanus muskuiluaren heste-epitelioan deskribatu
da, zelulen proliferazio-tasan sasoi-aldaketa nabarmenak aurkitu direlarik (Leibson &
Frolova, 1994). Hala ere, zunda espezifikoak erabiliz edo ultrastruktura sakonki aztertuz,
zelula amak identifikatzera zuzendutako lanik ez dugu ezagutu.
Bestalde, liseri-guruineko tubuluen epitelioari dagokionez, datu egokien gabezia
bera dagoen arren, zelula amen presentzia proposatu da. Ostretan, liseri-epitelioko zelulen
aitzindariak izan omen daitezkeenak, liseri-tubuluetako kriptetan aurkitu dira (29 Ird.;
Yonge, 1926; Shaw & Battle, 1957; Mix & Sparks, 1971). Izatez, erradiazio ionizatzailez
trataturiko liseri-tubuluen epitelioan, kriptetako zelula horiek epitelio berriaren sorreraren
erantzule nagusiak dirudite (Mix & Sparks, 1971). Mytilus edulis muskuiluan eta Pecten
maximus beiran ere, desberdintzatu gabeko zelula ama bat dagoela proposatu da
30. Irudia: PCNA immunohistokimika
muskuiluaren liseri-guruinean eta
krustazeoaren hepatoarean. Muskuiluen
liseri-guruinean (a-b eta tarteko irudi txikia)
positibotasun gehiena liseri-zelulei dagokie
(geziak), nahiz eta zelula basofiliko
batzuetan markaketa ere ageri den (gezi
buruak). Urdaileko zelulek markaketa
positiboa erakutsi dute (c), eta baita
hemozitoek (H) ere (irudi txikia). Kontrolebakinetan
(d) ez da inolako seinalerik
atzeman. Krustazeoen hepatoarearen Ezeluletan
(e) markaketa bortitza behatu da.
Zelulak desberdintzatuz doazen heinean
markaketa arinago bihurtuz. E-zelulen
eskualdean irudi mitotikoak (m) ikus
daitezke. Hepatoarearen kontrolebakinetan
(f) ez da inolako markarik
atzeman. Eskala-marra: 10 μm (a-c) eta 20
μm (d-f) (Marigómez et al.-etik (1999)
hartua).
53