MOLUSKUEN LISERI-GURUINEKO EPITELIOAREN ... - Euskara

Zati Teorikoa
Hepatozitoen proliferazioa zerk pizten duen jakiteko hainbat ikerketa burutu dira.
Esaterako, gibel-ehunaren zatiak edo eta hepatozito isolatuak gibela ez den ehun batera
transplantatu ostean transplante-hartzailearen gibelaren zati bat ebakuntza bidez
erauztean, transplantatutako zelulek, gibela ez den ehun horretan dauden arren, DNA
sintetizatzen hasten dira. Horrek, gibela erregeneratzen den bitartean odolean nolabaiteko
seinale mitogenikoa agertzen dela iradoki du (Overturf et al., 1999). Izan ere, hepatozitoen
hazkuntza-faktoreak (HGF; ingeleraz hepatocyte growth factor), berebiziko garrantzia
omen dauka prozesu horretan. Are gehiago, in vitro mantendutako hepatozitoak, HGFren
presentzian, eta bestelako zitokinen seinalerik bitarteko izan gabe, zatitzen hasten dira.
Hala ere, in vivo, HGFz gain, epitelio-hazkuntza faktore (EGF; ingeleraz, epithelial growth
factor) moduko beste faktore batzuen plasma-kontzentrazioak ere igotzen dira kirurgierauzketaren
ondorioz. Halaber, intsulina, interleukina 6 (IL6) eta norepinefrina molekulen
bidezko seinalizazioa ere gibelaren erregenerazioa burutzeko ezinbestekoak dira, nahiz
eta hepatozitoentzat oinarrizko mitogenoak ez izan. Antza denez, nondik norako orokorrak
ezagutu diren arren, hepatozitoen proliferazioan diharduten seinale molekularrei buruz
oraindik ere argilun dexente dago (Michalopoulos & DeFrances, 1997).
2.4.4.- Moluskuen liseri-guruina
Krustazeo eta intsektu (Vogt 1994; Loeb et al., 2003; Illa, 2005) zein ornodunetan
(ikus aurreneko atalak) ez bezala, moluskuen epitelio-ehunen berriztapenaz oso ikerlan
gutxi burutu dira (Leibson & Frolova 1994). Konkretuki, moluskuen liseri-guruineko
epitelioaren berriztapenaz egindakoak bereziki urriagoak dira (Hanselmann et al., 2000;
Marigómez et al., 1999), ehun horren egitura histologikoaz ikerketa ugari egin diren arren
(Ikus 1. atala).
52
29. Irudia: Ostren liseri-epitelioko balizko zelula basofiliko baten anafasea (Yongue-tik (1926) hartua)