MOLUSKUEN LISERI-GURUINEKO EPITELIOAREN ... - Euskara

Bestalde, zelula exokrinoak, endokrinoak emateko ere desberdintza daitezkeela
esperimentalki frogatu da, saguak espezifikoki ß-zelulak deuseztatzen dituen
estreptozotozina izeneko farmakoaz tratatuz (Gu et al., 1997) zein area-konduktua
kirurgikoki buxatuz (Bertelli & Bendayan, 1997). Esperimentu horietan amilasa eta intsulina
batera ekoitz ditzaketen zelulak deskribatu dira, zelula exokrinoak endokrino bihur
daitezkeenaren adierazgarritzat har litekeena. Zentzu berean, arratoi transgenikoen
garapena aztertzean, zelula ametatik eratorritako zelula endokrino eta exokrinoen
ezaugarriak batera dituen zelula-mota bat aurkitu da (Gu et al., 1994). Halaber,
konduktuetako zelula amak ß-zelulak emateko desberdintza daitezke, induzituriko kalteei
erantzunez zein ezohiko eskari metabolikoen aurrean areagotu daitekeena (Bonner-Weir
& Sharma, 2002).
Azkenik, arratoi transgenikoak eredu esperimental gisa erabiliz, areako zelula
endokrinoak zatiketa autologoz baino ez direla zatitzen ere proposatu da, partikularki ßzelulen
kasuan, egoera normalean zein arearen zati handia erauztekoan ß-zelula
desberdintzatuetatik soilik sor daitezkeenak (Dor et al., 2004).
Beraz, α− eta ß-zelulek jatorri berbera omen dutenez, eta zelula endokrino eta
exokrinoen jatorria ere amankomuna omen denez, guztiok zelula ama beratik eratorriak
izan daitezkeela pentsa genezake (Herrera 2000). Jatorrizko zelula ama horrek areako
transkribapen-faktorea edukiko lukeen arren, ez luke hormonen adierazpen-gaitasunik
izango. Gainera, zelula ama amankomunetik zelula ama endokrino eta exokrinoa bereiztu
daitezkeenik ezin da baztertu (Seaberg et al., 2004); ezta norberak gerora zelula ama
espezifikoagoak eman litzakeenik ere. Izan ere, aitzindari endokrinoak, konduktutik gertu
egon arren, ez lirateke konduktu-epitelioaren osagaiak izango (Gu et al., 2002).
2.4.2.- Listu-guruinak
Epitelio-ehunen berriztapena
Listu-guruinak, garatze-bidean dagoen mihi-epitelioaren loditze-gune batetik
sortzen dira, zeinen ondoan, listu-guruinak izango diren baba itxurako formazio bat eratuz,
kondentsazio mesenkimatikoa ematen baita (Melnick & Jaskoll, 2000). Listu-guruin
helduek itxura albeolotubularra dute, eta ehun konektiboak enkapsulatzen dituzten hainbat
lobuluz osaturik daude. Eskualde albeolotubularra, azino jariatzaileen multzoek eta
konduktuen sistema konplexu batek osatzen dute. Azinoen epitelioan zelula jariatzaileak
eta zelula mioepitelialak daude; konduktu-epitelioetan, berriz, ez dago zelula jariatzailerik
eta osmoeraenketa moduko funtzioak bertan betetzen dira (Actis et al., 2002).
49