MOLUSKUEN LISERI-GURUINEKO EPITELIOAREN ... - Euskara

Zati Teorikoa
area-polipeptidoa eta δ zelulek somatostatina ekoizten dutelarik (Orci & Unger, 1975;
Wells, 2003; Jensen, 2004). Garapen embrionarioa ikertu duten autore batzuen aburuz,
aurrealdeko gastrodermoan kokatutako zelulek, areako epitelio-zelula guztien zelula ama
moduan dihardute (Le Douarin, 1988). Area helduaren epitelioen berriztapen normala 3H- T eta BrdU pultsuen bidez edo PCNA immunohistokimikaz ikertuz, zelula proliferatzaileak
azino, konduktu zein Langerhans irletan lokalizatu dira (Githens, 1988; Muller et al., 1990,
Elsässer et al., 1994). Hala ere, zelula amen identifikazioa eta berriztapen-mekanismoak
ez daude guztiz argi, eta horren inguruan ezbaika dabiltza ikertzaileen talde desberdinak.
Alde batetik, epitelioen berriztapen-mekanismoak ezagutzeko, zenbait ikertzaile
epitelioak esperimentalki kaltetzean induzituriko zelulen proliferazioaren azterketaz baliatu
dira. Adibidez, kirurgiaren bitartez area osoaren %90-a erauzi ondoren, Langerhans
irletako epitelioaren berriztapena, gelditu diren bertoko zelula endokrino desberdintzatuen
zatiketari esker erdietsi daiteke; konduktu-epitelioaren berriztapenaren ardura zelula
zentroazinar desberdintzatuek duten bitartean (Brockenbrough et al., 1988; Bonner-Weir et
al., 1993). Berriztapen-prozesua berehalakoa da, erauzketa kirurgikoaren une beretsuan
hasia hain zuzen ere. Ebakuntza eta gero gelditu diren zelulen kopurua jadanik 7 egunetan
bikoiztera iristen da. Zatiketa-tasa bizkor hori, 21. egunerarte manten daiteke. Hala ere,
zelula-mota guztien zatiketa-dinamika ez da berdina. α− eta ß-zelulek, BrdU-markaketarik
bortitzena kirurgi-erauzketa burutu eta 2 egunetara erakutsi dute, noiz α-zeluletan jorian
den Langerhans irlen gune periferikoa bereziki handituta agertu baita. 2. egun horretan
intsulina eta glukagona batera ekoizten dituzten zelulak ere behatu dira, α -zelulak ßzelula
bihur daitezkeenaren adierazgarritzat har litekeena. Lehenengo 5 egunetan, αzelulen
proliferazio-tasa, ß-zelulena baino altuagoa den bitartean, 7. egunetik aurrera
tendentzia hori irauli egiten da, behintzat 14 egun igaro artean (Hayashi et al., 2003).
Tankera beretsuko zatiketa-dinamika area exokrinoan behatu da.
27. Irudia: Arearen zati baten kirurgi erauzketa eman eta 3 egunetara BrdU markaketa arearen azino, konduktu
eta Langerhans irletan (Hayashi et al., 2003. tik hartua).
48