MOLUSKUEN LISERI-GURUINEKO EPITELIOAREN ... - Euskara

Zati Teorikoa
21. Irudia: Epidermiseko zelula amen kokapena eta beraien banaketa ugaztunetako larruazalean zehar. Baban
kokatzen diren zelula amek zatitu ondoren papila dermikora, gantz-guruinera zein epidermisaren oinaldera migratzen
dute, ondoren desberdintzapen-bidean sartuz. (Spradling et al.-etik (2001) birmoldatua).
izenekoa osatzen duten kanpo-zatiko zelulak etengabe askatzen dira. Gizakiaren kasuan,
adibidez, geruza keratinotsua milaka aldiz berriztatu behar da bizitzan zehar. Geruza
germinatiboan zelula amez osatutako keratinozitoen azpipopulazio berezia dago,
epidermiseko zelula, ile-folikulu eta izerdi-guruinetako zelulen aitzindari izango dena
(Lavker & Sun, 2000). Zelula amok bi tokitan kokaturik daude nagusiki, folikuluen arteko
epidermisean eta ile-folikuluaren konkorraren aldean (21. Ird.), azken horiek zatiketan
gogotsuago dihardutelarik (Ghazizadeh & Taichman, 2001).
Larruazaleko zelula amak normalean nahiko mantso zatitzen diren bitartean, zelula
ametatik eratorritako TAC zelulak askoz bizkorrago zatitzen dira (Cotsarelis et al., 1990),
zelula ama batetik sortu berria den TAC zelula bakoitzak desberdintzatzeari ekin baino
lehen hiruzpabost zatiketa-ziklo pairazten dituelarik (Jones et al., 1995). TAC zeluletatik
sortutako zelula kumeek erpinalderantz migratzeari ekiten diote, xafla basaletik urrunduz
eta bidean zehar integrinen adierazpen-mailen jaitsiera jasoz. Integrinen beherakada
38