MOLUSKUEN LISERI-GURUINEKO EPITELIOAREN ... - Euskara

ziklina eta CD649103 G1-ziklina; ikus NCBI web orrialdea). Crassostrearen sekuentziak
gainera merkurio pean mantendutako animalien eta animali kontrolen transkriptomak
konparatuz aurkitu dira; proliferazio zelularra modulatuz ziklina horiek merkurio pean
mantendutako ostretan gainadierazi edo azpiadierazi egin baitira (Peatman et al.,
argitaratu gabe, ikus NCBI web orrialdea).
PCNA eta Ki67 sekuentziarik ez da klonatu orain arte. Hala ere, M.
galloprovincialis-en 435 base paretako EST bat argitaratu da (AJ516167; Venier et al.,
2003, ikus NCBI web orrialdea), zeinen sekuentzia aminoazidikoak Danio rerio eta
Ictalurus punctatus arrainen PCNAren sekuentziekiko homologia (homologia: 1e-29 ) altua
baitu.
2.3.- Zelula amen bitartez berriztaturiko epitelioak
2.3.1.- Ugaztunen epidermisa
Epitelio-ehunen berriztapena
Epidermisa, jatorri ektodermikoa duen larruazalaren oinarrizko epitelio-osagaia da.
Zuzenean eta jarraian kanpo-medioarekin kontaktuan egotearen eragina jasotzen duenez,
epitelioaren berriztapenak, hots zelulen proliferazioak, ikaragarrizko garrantzia du. Hori
dela eta, ugaztunen epidermisa organismo helduetan epitelio-ehunak nola berriztatzen
diren ikertzeko ohiko eredu esperimentala izanez, bertako proliferazio zelularraren
dinamika eta mekanismoak aski ezagunak dira.
Ugaztunen epidermisa, keratinozitoz osatutako epitelio geruzatua da.
Keratinozitoek, epidermisari sendotasuna damaion keratina deitutako proteina ekoizten
dute. Keratinozitoak epitelioaren oinaldetik erpinalderantz desberdintzatuz doaz, eta gora
egiten duten heinean osaketaz eta itxuraz aldatzen dira. Xafla basalaren gainean ezarrita
dauden zelulak oinaldeko zelulak dira. Zelula hauek zatitzeko ahalmena dute, geruza
germinatiboa konfiguratuz. Euren gainean desmosometan joriak izateari esker
epidermisari trinkotasun mekanikoa eskaintzen dioten zelula handiagoak ditugu (Malpighi
zelulak). Desmosomen inguruan sortutako arantza itxurako egitura nabarmenak
edukitzegatik, zelula hauek osatzen duten epitelioaren zatiari geruza arantzatsu izena
eman zaio, zenbait autorek Malpighi geruza ere deitu duten arren. Hurrengo mailan,
geruza arantzatsuaren gainean paratuta, pikor zitoplasmatiko elektrodentsoz hornitutako
zelulek, geruza pikortsu izenaz ezagututakoa osatzen dute. Geruza pikortsu horrek,
metabolikoki aktiboa den epitelioaren barne-zati eta keratinaz betetako zelula hilez
osatutako epitelioaren kanpo-zati arteko muga markatzen du. Geruza keratinotsua
37