MOLUSKUEN LISERI-GURUINEKO EPITELIOAREN ... - Euskara

Zati Teorikoa
zehar areagotuz doa, M-fasearen hasiera-hasieran genearen adierazpenik altuena ematen
delarik.
RNA mezulari horiek PCR kuantitatiboaren bidez kuantifika daitezke, DNA-hasle
egokiak erabiliz. Era berean, ehunaren gainean molekula horiek lokalizatzeko in situ
hibridazioa erabili ahal da, RNA- zein DNA-zunda osagarriak erabiliz. DNA-hasle egokiak
diseinatzeko sekuentziaren ezagutza partziala ezinbestekoa da; DNA- eta RNA-zundak
diseinatzeko, bestalde, sekuentzia nukleotidikoaren ahalik eta zatirik handiena ezagutu
beharra dago. Proteina homologoek espezien artean nolabaiteko kontserbazio-maila duten
eta eboluzioan zehar egonkorrak izan daitezkeena jakina da. Haatik, hau ez da egia RNAzunden
edota DNA-hasleen kasuan, espezie desberdinen proteina beraren sekuentzia
nukleotidikoak oso desberdinak izan baitaitezke. Sekuentzia nukleotidikoek sekuentzia
aminoazidikoak baino aldakortasun handiagoa erakusten dute espezien artean, kode
genetikoaren endekapenaren ondorioz (aminoazido askotarako 4 kodon ezberdin
baitaude), hain zuzen ere. Hau da, antigorputzak erabiliz proteina bera espezie
desberdinetan identifika daitekeen arren, RNA-zundek ez dute ezertarako baliogarriak izan
behar espezie desberdinetan proteina jakin baten RNA mezulariak identifikatzeko. Beraz,
edozein kasutan, ikertu nahi den espeziearen sekuentzia nukleotidikoaren ezagutza
minimoa ezinbestekoa da.
Moluskuen kasuan, histonen hainbat mRNA sekuentzia geneen datu-baseetan
argitaratu dira, 320 sekuentziatik gora daude eskuragarri (http://www.ncbi.nlm.nih.gov),
hain zuzen ere. Taldez-talde, eta tesi honetan aztertuko diren espeziei erreparatuz, M.
galloprovincialis-en histona guztien sekuentzia osoak argitaratu dira (Eirin-Lopez et al.,
2002), eta beste mitilido askorenak ere (M. edulis, M. trossulus, M. californianus eta M.
chilensis). A. ater eta L. littorea gastropodoen histonen sekuentziarik ez dugu ezagutzen,
ordea, guztira pulmonatuen 35 sekuentzia desberdin eta orthogastropodoen 78 sekuentzia
desberdin argitaratu diren arren. Oraintsu, muskuiluaren histonen sekuentziak 50 gene
desberdineko microarray espezifiko batean erabili dira (Dondero & Viarengo, 2005).
Moluskuen ziklinen 18 sekuentzia desberdin ere argitaratuak izan dira. Hala ere, ez
da Mytilus, Arion edo Littorina generoen sekuentziarik argitaratu. Argitaratutako
sekuentzien artean Dreissenia polymorpha bibalbioaren A-, B-, C- eta D-ziklinen RNA
mezularien sekuentzia osoak (Lamers et al., 1999) topa ditzakegu. Halaber, beste bi
bibalbioen sekuentziak identifikatu dira, hala nola Spissula solidissimaren A- eta B-ziklinak
eta Crasssostrea virginicaren zenbait ziklinen antzekotasun handia duten sekuentzia
nukleotidiko laburrak edo EST-ak (ingeleraz, Expression Sequence Tags; CD646624 eta
CD647240 A-ziklina; CD646450 eta 646472 B-ziklina, CD647301 C-ziklina; CD648974 D2-
36