MOLUSKUEN LISERI-GURUINEKO EPITELIOAREN ... - Euskara

Zati Teorikoa
20. Irudia: Ziklina desberdinen adierazpen-mailak ziklo zelularraren fase desberdinetan. Eskuarki ziklina-mota
bakoitzak bere adierazpen-piko maximoa ziklo zelularraren fase jakin batean lortzen du.
Ziklinen immunohistokimika
Proteina hauek, aurrenez aipatutako ziklinen menpeko kinasekin erlazio zuzena
dute. Izan ere, ziklinak zmk-konplexuaren azpiunitate eraentzaileak dira. Ziklinak, ziklo
zelular bakoitzean sintetizatu eta andeatu egiten dira. Kinasa jarduera, ziklinak zmkei
estuki lotzen zaizkienean baino ez da adierazten. Hainbat ziklina-mota desberdin daude,
garrantzitsuenak A-, B-, D- eta E-ziklinak izanik (20. Ird.). Ziklo zelularrak aurrera jarrai
dezan, D-ziklina zmk4 eta zmk6-ri G1-fasean zehar lotu behar zaie (Sherr, 1996). Eziklinak,
zmk2 edo zmk4-ri lotuz, aktibatu egiten ditu, ziklo zelularra G1-fasetik S-fasera
pasaraziz. A-ziklina, bere aldetik, zmk2-ri S-fasean lotzen zaio, DNAren sintesia
ahalbidetuz; eta B ziklina, bestetik, zmk1-ri lotzen zaio, mitosiari bide emanez (Nigg, 1995;
Edgar & Lehener, 1996). Ziklinen adierazpena, immunohistokimika bitartez azter daiteke,
minbiziarekin erlazionatutako kasuetan (Zhu et al., 2003) zein oinarrizko ikerketetan
(Golias et al., 2004) jadanik egin den bezalaxe. Hala eta guztiz ere, ugaztunetatik kanpo
ziklinei buruzko ikerlan immunohistokimiko urriak burutu dira (1 Taula).
2.2.4.- Geneen adierazpenaren azterketan oinarrituriko teknikak
Aldez aurretik ikusi dugunez, ziklo zelularra eraentzen duten zenbait proteina une
edo fase jakinetan baino ez dira sintetizatzen zikloan zehar, bereziki histonen eta ziklinen
kasuan alegia (17. Ird.). Proteina horien adierazpena, antigorputzak erabiliz iker daiteke.
34