MOLUSKUEN LISERI-GURUINEKO EPITELIOAREN ... - Euskara

aipatutako pikor ilunagoak zelula osoan zehar barreiaturik agertzen dira. Liseriketa-fase
berantiarrean, pikor ilunetaz gain lipofuszinen antzeko pikor horiak oinaldean
nabarmentzen hasten dira (Sáez et al., 1990). Azkenik, iraizte-fasean pikor gutxiago
agertzen dira, eta bakuolo txikien zein lipofuszina-pikorren presentzia nabaria da. Prozesu
hori, itsasaldien erregimenarekin estuki erlazionatuta dago. Izan ere, liseriketa batez ere
itsasbeherako egoeretan gauzatzen da (Sáez et al., 1990).
1.3.- Lehorreko gastropodoak (Arion eredua)
Moluskuen liseri-guruina
Arion ater barearen liseri-guruina gorputzaren atal handia betetzen du, eta
anatomikoki bereizgarriak diren bi guruin-zatitan bananduta dago: aurreko guruin-zatia,
normalean txikiena, eta atzeko guruin-zatia. Bi guruin-zati horiek, papoarekin (aurreko
guruin-zatia) eta urdailarekin (atzeko guruin-zatia) bi konduktu bereizien bitartez
komunikatuta daude (Roach, 1968). Guruin-zati horiek, aurrekoa zein atzekoa, hainbat
lobulutan daude bananduta (12. Ird., Runham & Hunter, 1970). Lobulu bakoitza,
adarkatuak zein multzoka agertzen diren hainbat dibertikuluz osatuta dago. Liseridibertikuluak
unitate adenomerikoz daude osaturik. Unitate adenomerikoan (13. Ird.), liserikonduktu
izeneko gune zentral zabala dago, eta bertatik azino-itxurako zabalguneak
adarkatzen dira (liseri-azinoak).
12. Irudia: Arion ater barearen liseri-sistemaren irudi eskematikoa. Bertan elikagaien liseriketan parte hartzen
duten organo desberdinak ageri dira eta liseri-guruinaren izaera lobularra bereiz daiteke. (Argaud & Bounoure-tik
(1910) birmoldatua).
17