MOLUSKUEN LISERI-GURUINEKO EPITELIOAREN ... - Euskara

Moluskuen liseri-guruina
Eredu albeolarra aintzat hartzean, tubulu-moten existentziaren eta euren
txandakatze-ereduaren esangura fisiologikoa oso bestelakoa dela frogatu da. Izan ere, M.
galloprovincialis muskuiluaren liseri-guruinean egindako 3-D berreraiketek, liseriketafaseak
zati distaletatik ganbara-alderaino bidaiatzen duten eta albeolo bereko luzakinetan
zehar modu sinkronikoan aurrera egiten duten uhinen moduan agertzen direla erakutsi
dute (3C Ird.; Marigómez et al., 1995a; 1995b). Hau da, luzakinen zati distalen epitelioan
atseden-fasea nagusitzen den bitartean, hurrengo lakainetan xurgatze- eta desegite-fase
txandakatuak agertzen dira, ustezko berregite-fasea ganbara-alderantz nagusituz doalarik
(Quincoces, 1995). Bestalde, entzima- eta lektina-histokimika, eta morfometria aplikatuz,
liseri-zelulen ezaugarrietan oinarritutako liseriketa-faseen esangura fisiologikoa berraztertu
8. Irudia: ß-Glukuronidasa entzimaren (A) eta WGA lektinaren bidezko N-azetil glukosamina hondarren (B)
detektapen histokimikoa liseri-guruineko epitelioan liseriketa-fase desberdinetan. Sailkapen “klasikoaren” arabera: A-
1/B-1 atseden-fasea izango litzateke, A-2/B-2 xurgatze-fasea, A-3/B-3 desegite-fasea eta A-4/B-4 berregite-fasea.
Jarduera entzimatiko eta lektinen emaitzen arabera, liseriketa-faseen sailkapena aldatu beharko litzateke. Atsedenfasea,
xurgatze-fasea izan beharko litzateke (WGA marka bortitza epitelioaren erpinaldean (B-1)), xurgatze-fasea,
liseritze-fasea (entzimaren jarduera nabarmena eta WGA markaketa lisosometan (A-2 eta B-2)), desegite-fasea,
liseritze-fase berantiarra (oso lisosoma handiak (A-3)) eta berregite-fasea, atseden-fasea (lisosoma txiki eta urriak eta
WGA markaketa difuso eta ahula epitelioan zehar barreiatuta (A-4 eta B-4)).
13