MOLUSKUEN LISERI-GURUINEKO EPITELIOAREN ... - Euskara

Emaitzak eta eztabaida
kutsatugabeko toki batean Bakion, meatzetik aski
urruti dagoen landa-herria dena. Bareak toki batetik
bestera 3, 10 eta 28 egunez lekuzaldatu ziren, eta
baldintza naturaletan mantendu ziren lurzoruari
atxikitako saredun kutxen bitartez. Horretaz gain,
bai Bakion zein Karrantzan lurzorua eta bareak
lagindu ziren, transplantea egin zeneko egun
berean (0. eguna). Bareak (10 talde
esperimentaleko), laginketa-egunetan sakrifikatu
ziren, eta segidan azalduko den moduan prozesatu
ziren. Liseri-guruinaren zati bat, Carnoy likidoan
fixatu, parafinan inkluditu eta 7 µm-ko lodierako
ebakietan moztu zen, azterketa histologikoak eta
analisi histokimikoak egiteko. Bigarren zati bat,
glutaraldehidoan fixatu eta EPON erretxinan
inkluditu zen, ebaki semifinen behaketa egiteko.
Hirugarren zati bat, nitrogeno likidotan izoztu zen. 8
µm-ko lodierako ebakiak, kriostatoan moztu, eta
ondoren ß-glukuronidasa entzimaren jardueraren
demostrazio histokimikoa egiteko prozesatu ziren.
Liseri-guruinaren beste zati bat nitrogeno likidotan
izoztu zen, metalotioneinen neurketa
192
espektrofotometrikoa burutzeko. Azkenik, geratzen
zen liseri-guruinaren zatia, metalen analisi kimikoak
egiteko liseriketa azidoaren bitartez prozesatu zen.
Prozedura bakoitzaren nondik norakoak,
zehaztasun gehiagoz jarraian azalduko dira.
Analisi kimikoak
1. Irudia: Erreferentzia tokia
(Bakio) eta antzinako meatzetokiaren
(Karrantza)
kokapenaren irudi eskematikoa.
Geziek bareen
lekuzaldatzearen nondik
norakoak islatzen dituzte
kutxen barruan agertutako
egun kopuruen zehar
Liseri-guruinak ur distilatuan garbitu, eta labean
120ºC-tara lehortu ziren 48 orduz, pisua egonkortu
zen arte (Ireland, 1979). Lehortutako ehunak azido
nitriko kontzentratuan liseritu ziren. Gerora, ur
distilatuan disolbatutako azido nitrikotan (0.1 M)
diluitu ondoren, laginak absortzio atomikozko
espektrofotometroan (PerkinElmer 2280, Wellesley,
Massachusetts, Amerikako Estatu Batuak) neurtu
ziren, aldi bereko atzealdeko zuzenketaz eta 0.3
mg/l-ko sentikortasunaz. Merck merkatal-etxeko
(Merck & Co., Inc, Whitehouse Station, New Jersey,
Amerikako Estatu Batuak) disoluzio estandarrak
(zertifikatutakoak) 0.1 M azido nitrikotan diluitu ziren
kalibrazioa burutzeko. 7 metal analizatu ziren:
kadmioa (Cd), kromoa (Cr), kuprea (Cu), burdina