MOLUSKUEN LISERI-GURUINEKO EPITELIOAREN ... - Euskara

ikustarazteko, aldez aurretik magurio eta
muskuiluetan erabilitako diamino benzidinak
bareen liseri-guruinean pikor zitoplasmatiko eta
lipofuszina ugariekin erreakzionatzen baitzuen
(Zaldibar et al., 2004; 3 eta 4. Kapituluak). Hala ere,
iraizte-zelulen bakuoloen lipofuszinen zenbait
substantzia AlPrekin erreakzionagarriak badira.
Edonola ere, lipofuszina sasipositibook, liseri-
guruin eta urdaileko epitelioan behatutako nukleo
BrdU-positiboetatik zailtasun handirik gabe bereiztu
genituen. Muskuilu eta magurioetan gertatu zen
moduan, bareen kasuan ere, urdaileko epitelioan
liseri-guruineko epitelioan baino BrdU-markaketa
nabariagoa topatu dugu (Zaldibar et al., 2004; 4.
Kapitulua). Liseri-guruineko epitelioan, BrdU-
markaketa batez ere liseri-zeluletan behatu zen,
kaltzio-zelula urrietan markaketa ahula behatu zen
bitartean. Iraizte-zelulen nukleoan ez zen BrdU-
markaketa positiborik aurkitu. Hala ere,
bakuoloetako lipofuszinen markaketek nukleo
BrdU-positiboak itzal zitzaketeenez, iraizte-zelulak
proliferatzeko gai direnentz egiaztatzeko, behaketa
zehatzagoak egitea ezinbestekoa izango litzateke.
Edonola ere, Cd + keroseno tratamenduak eta
ondorengo arazte-aldiak, bareen liseri-zelulen
proliferazio-intentsitatearen areagotzea eragin dute,
ikusi dugunez. Izan ere, tratatutako zein araztutatko
bareetan nukleo BrdU-positibo gehiago daude talde
kontroleko bareetan baino. Era berean,
magurioetan, Cd-ak liseri-zelulen proliferazioa
areagotu zuen, eta proliferazio-tasa altu hori 7
eguneko arazte-aldiaren ondoren ere antzeko
mailan mantendu zen (4. Kapitulua).
Zelula-moten ordezkapena bareen liseri-guruinean: laborategi-ikerketa
Kutsatzaileek zelulen proliferazioa eragin
dezaketena jakina da (Beyersmann & Hechtenberg,
1997; Habeebu et al., 1998; Piechotta et al., 1999;
Chabicovsky et al., 2004). Magurioetan, Cd pean
egoteak, arazte-prozesuei aurre egin ahal izateko,
areagotutako liseri-zelulen berriztapena dakar,
zelulen heriotza eta proliferazioaren arteko balantze
gisa interpreta daitekeena (4. Kapitulua). Bareetan,
areagotutako liseri-zelulen proliferazioa iraizte-
zelula faseranzko progresio areagotuarekin batera
gertatu zela dirudi. Zentzu horretan, Cu-meatze
abandonatu batean hainbat belaunaldiz (kutsadura
kronikoa) bizi izan diren bareen liseri-guruinean,
iraizte-zelulen kopuru erlatibo altuaren berri eman
da; non liseri-zelulek pikor zitoplasmatikoen
iraizpenean bortizki baitziharduten eta oso
bakuolizaturik ageri baitziren (Marigómez et al.,
1998a).
Aldez aurretik metal pean jarritako magurio eta
muskuiluetan deskribatu den moduan (1 eta 4.
Kapituluak), Cd + keroseno nahasturaz trataturiko
bareetan suertatutako zelula-moten osaketaren
aldaketak ere, 7 eguneko arazte-aldiaren ostean
itzulgarriak izan ziren. Liseri-zelulen proliferazioa
tratatu eta araztutako bareen artean desberdina ez
dela dirudienez, behatutako leheneratzea liseri-
zeluletatik iraizte-zeluletaranzko progresioa
moteltzean datzala pentsa genezake, eta hori
epitelio-jarduera kutzatsailea ez egotean moteldu
izanarekin bat letorke (Marigómez et al., 1986b;
1998a; Chandran et al., 2005; 4. Kapitulua). Beraz,
ingurumen-baldintz jakin bakoitzari zelula-moten
osaketa bereizgarri bat eslei lekioke.
183