MOLUSKUEN LISERI-GURUINEKO EPITELIOAREN ... - Euskara

Emaitzak eta eztabaida
aldiaren ondorioz 2600 liseri-zelula berri sortu
zirelarik 17.8 x 10 6 µm 3 -ko liseri-guruineko unitate
arbitrarioko (4. Kapitulua). Cd pean jarritako
magurioetan, Vv BAS eta zelula basofilikoen
bolumen absolutua handitu zen, baina ez zen
aldaketarik behatu zelula basofilikoen kopuruan (4.
Kapitulua), ikerlan honetan Cd + keroseno pean
jarritako bareetan behatutako emaitzekin bat
datorrena. Bestalde, Cd + keroseno pean 27
egunez mantendutako bareetan 500 (%300) iraizte-
zelula berri agertu ziren bolumen unitate
arbitrarioko, 7 eguneko arazte-aldiaren ondorioz
galdu zirenak, hain zuzen. Aipagarria da, muskuilu
eta magurioetan gertatu ez bezala, epitelio-zelulen
kopuru totala kutsatzaileen zein arazte-aldiaren
eraginez ez zela aldatu. Iraizte-zelula, zelula-mota
desberdina baino bizi-zikloaren amaieran dagoen
liseri-zelula dela proposatu da (Porcel et al., 1996;
Dimitriadis & Konstantinidou, 2002). Liseri- eta
iraizte-zelulen proportzio erlatiboek kontrako
zentzuan mugitzen dira baraualdian eta
kutsatzaileen esposizio pean (Porcel et al. 1996;
Marigómez et al. 1998; Dimitriadis & Konstantinidou
2002; 6. Kapitulua). Testuinguru horretan, ikerlan
honen emaitzek, iraizte-zelulak liseri-zelula “zahar”
edo “erabiliak” direnaren hipotesia sendotzen dute,
liseri-zelulen eta iraizte-zelulen kopuru absolutuek,
tratamendu eta arazte-aldiaren eraginez kontrako
zentzua jarraitzen baitute. Metalek, bareen liseri-
guruineko zelulen zahartzapen goiztiarra eragin
dezaketela aurretik ere proposatu da (Marigómez et
al., 1986b), Cu pean (dietan zein uretango
esposizioa) jarritako bareak aztertuz, hain zuzen
ere. Orokorki, lehorreko gastropodoen liseri-
182
guruinean ematen diren iraizte-jarduera eta estrusio
apokrino areagotuek, alterazio lisosomikoek eta
lipofuszinen metaketek, kutsatzaileen eragin
orokorren adierazgarritzat har ditzakegu
(Marigómez et al., 1996; 1998; Chandran et al.,
2005). Kuprez trataturiko bareetan, jarduera
fisiologikoaren fase desberdinak histokimikoki
determinatu ondoren, xurgapena, liseriketa eta
jariapena tratamenduko lehenengo egunetan
bizkortu ziren, fase bakoitzak gutxiago irauten
zuelarik; 300 eta 1000 µg Hg/g janari tratatutako
bareetan 15. egunetik aurrera, berriz, epitelioa
atrofiko edo, behintzat, ez horren aktibo bilakatu
zen (Marigómez et al., 1986b). Hiperaktibitate
horrek, zergaitik Cd + keroseno tratamenduaren 3.
egunetik aurrera liseri-zelula gehiago iraizte-zelula
bilakatzen joatea azalduko luke. Ondorioz, nahiz
eta magurioetan kutsatzaileek liseri-zelulen galera
netoa sortarazi, konplexuagoa den bareen liseri-
guruinean badirudi liseri-zelulak, galdu beharrean,
iraizte-zelulak bilakatzen direla. Hortaz, bareen
liseri-guruinean zelula-moten osaketan aldaketak
nabarmenago irudikatzeko, iraizte-zelula/liseri-
zelula ratioa (ECR; ingeleraz, Excretory to Digestive
Cell Ratio) parametro sentikorrago gisa proposatu
dugu, soilik liseri-zelula eta zelula basofilikoz
osatutako magurioen liseri-guruinean
proposatutako DCL parametroaren baliokidetzat
har genezakeena (4. Kapitulua).
Azkenik, zelula proliferatzaileak BrdU
immunohistokimika bitartez identifikatu ziren liseri-
guruineko epitelioan. Hainbat saiakera burutu
ondoren, fosfatasa alkalinoa (AlP; Chabicovsky et
al., 2003) aukeratu zen BrdU/anti-BrdU konplexuak