MOLUSKUEN LISERI-GURUINEKO EPITELIOAREN ... - Euskara

pisuan (1A Ird.). Esperimentuko lehengo sei
egunetan bare kontrolek zein kutsatzaileen pean
jarritako bareek antzeko elikatze-jarduera eta
hazkuntza erakutsi zuten (1. Ird.). 10. egunetik
aurrera, berriz, kutsatzaile pean jarritako bareetan
elikatze-jardueran jaitsiera nabarmena behatu zen,
eta momentu horretatik aurrera beraien pisua
kontrolena baino txikiago gertatu zen. Arazte-aldia
igaro eta gero, elikatze-jardueran nolabaiteko
susperraldia antzeman zen arren, ez zen bareen
pisuaren igoeran islatu. Hala ere, momentu
horretaraino neurtutako etengabeko pisu-galerak
ez zuen luzaroago jarraitu (1. Ird.).
Bare kontroletan neurtutako Cd kontzentrazioak
baxuak izan ziren, zelaitik hartutako bareetan
neurtutakoen antzekoak, eta aldaketarik gabe
mantendu ziren esperimentuak iraun bitartean.
Bestalde, kutsatzaileen pean jarritako bareetan Cd
kontzentrazioa kontroletan neurtutakoak baino 10
aldiz handiagoak izan ziren esperimentuaren 18.
egunean, eta arazte-aldia bukatu ondoren balioak
Zelula-moten ordezkapena bareen liseri-guruinean: laborategi-ikerketa
kontroletan neurtutako mailetara itzuli ziren (1.
Taula).
Keroseno kontzentrazio tisularrei dagokienez,
kutsatzaileen pean 18 egunez jarritako bareetan
neurtutako kontzentrazioa kontroletan baino 3 aldiz
handiagoa izan zen esperimentuaren. Arazte-aldia
bukatu ondoren, bere aldetik, liseri-guruinaren
keroseno kontzentrazioak kontroletan neurtutako
mailetara itzuli ziren (1. Taula).
Kutsatzaile pean jarritako bareetan, BSDak
liseri-zelulen lisosometan eta iraizte-zelulen
bakuoloetan lokalizatu ziren (2B Ird.). Gainera,
liseri-azinoen lumenera iraizitako eta jatorri
lisosomiko zuten liseri-zelulen hondakinek BSD
nabarmenak erakutsi zituzten (2C Ird.). Horretaz
gain, zenbait laginetan liseri-epitelioaren xafla
basalean BSDen presentzia detektatu zen. Kontrol
eta araztutako bareen liseri-guruinetan ez zen
apenas BSDen presentziarik aurkitu (2A eta 2D
Ird.). Horrekin lotuta, bare kontrolek Vv BSD maila
basalak erakutsi zituzten. Tratamendu pean
jarritako bareetan, Vv BSD maila denbora aurrera
1. Irudia: Bare kontrol eta Cd + keroseno pean mantendutako bareen pisuaren aldaketa (A) eta elikatze-jarduera metatua (B).
Puntu zuriak bare kontrolei dagozkie eta puntu beltzak kutsatzaileen nahasketaz tratatutako bareei. Beheko geziak esposizio- eta
arazte-aldiaren nondik norakoak adierazi ditu.
173