MOLUSKUEN LISERI-GURUINEKO EPITELIOAREN ... - Euskara

Emaitzak eta eztabaida
zirenez, erabilitakoak erreplika-serieko barez
ordezkatzen ziren animalien dentsitatea konstantea
mantentzeko asmoz. Izan ere, lehorreko
gastropodoen fisiologia populazio-dentsitatearen
arabera esangarriki aldatzen dela deskribatu da
(Runham & Hunter, 1970).
Analisi kimikoak
Disekzionatutako liseri-guruinak (tratamenduko
18. egunean, eta 7 egunetako arazte-aldia eta
gero), ur distilatuan garbitu ziren, eta 120ºC-tara 48
orduz labean berotu ziren, guztiz lehortu arte.
Lehortutako materiala almerizaren laguntzaz txikitu
zen, eta azido nitriko kontzentratuan liseritu zen.
Ondoren, plaka beroan azido nitriko kontzentratua
lurrundu ostean, liseritutako materiala ur distilatuan
diluitutako (0.1 M) azido nitrikoan berresekitu zen.
Laginak absortzio atomikozko espektrofotometroan
(PerkinElmer 2280, Wellesley, Massachusetts,
Amerikako Estatu Batuak) neurtu ziren.
Kadmioaren kontzentrazioak, µg Cd/g ehun pisu
lehor modura kalkulatu ziren. Erabilitako
estandarrak Merck merkatal-etxeak (Merck & Co.,
Inc, Whitehouse Station, New Jersey, Amerikako
Estatu Batuak) zertifikatutakoak izan ziren.
Kerosenoa neurtzeko, disekzionatutako liseri-
guruinak (tratamenduko 18. egunean, eta 7
eguneko arazte-aldia eta gero), ur distilatuan
garbitu ostean izoztu egin ziren. Izoztutako
materiala, liofilizatu, txikitu eta pisatu zen. Ondoren,
azetonan murgilduta ultrasoinuen bidezko
erauzketari ekin zitzaion. Iragazi ondoren laginak
FID detektagailua zuen HP 6890 gas-
kromatografo/masa-espektrometroan (Hewlett-
170
Packard, Palo Alto, California, Amerikako Estatu
Batuak) neurtu ziren.
Analisi biologikoetarako esperimentuko 0., 3.,
18., eta 27. egunetan eta arazte-aldiko 7. egunean
5 bare disekzionatu ziren taldeko. Liseri-guruinaren
zati txikiak Carnoy fixatzailean (%60 etanol
absolutua, %30 kloroformoa eta %10 azido
azetikoa) fixatu ziren ordu batez 4°C-tan. Fixatu
ondoren, laginak goranzko graduazioko etanolezko
bainu-serie batean deshidratatu ziren, eta parafinan
inkluditu ziren 60°C-tan. 7 µm-ko lodiera zuten
ebakiak mikrotomoan lortu ziren, eta hematoxilina-
eosinaz tindatu ziren behaketa morfologikoak eta
zelula-moten osaketaren neurketak burutu ahal
izateko.
Autometalografia
Parafinazko ebakiak xilolezko bainuetan
desparafinatu ostean, beheranzko graduazioko
etanoletan hidratatu ziren. Parafinazko ebakiak
labean (40ºC) mantendu ziren guztiz lehortu arte.
Laginak argazki-emultsio geruza mehe eta
uniformez estali ziren, gela ilunean (Ilford Nuclear
Emulsion L4, Ilford, Mobberley, Ingalaterra).
Gerora, laginak ilunpean mantendu ziren lehortu
bitartean (30 minutu), eta errebelatzaile komertziala
erabiliz Ultrafin Tetenal SF (1:5 diluzioa ur
distilatuan) (Tetenal AG & Co, Norderstedt,
Alemania) errebelatu ziren 15 minutuz. Ondoren,
errebelatzailearen erreakzioa %1 azido azetikozko
disoluzioan minutu batez murgilduz geldiarazi zen.
Azkenik, fixatzaileaz (Agfa Agefix, Agfa-Gevaert
N.V., Mortsel, Belgika, 1:9 uretan) 10 minutuz fixatu
ziren. Laginak, Kaiser gelatina glizerinatuan