MOLUSKUEN LISERI-GURUINEKO EPITELIOAREN ... - Euskara

Emaitzak eta eztabaida
bareen liseri-guruinean ere itzulgarria ote den
argitzea komenigarria iruditu zitzaigun.
168
Beste alde batetik, muskuiluen kasuan metal-
esposizioak eragindako CTRk autometalografia
(AMG) bidez errebelatutako zilarreezko haupeakin
beltzen (BSD; ingeleraz, Black Silver Deposits)
BSD-hedapenaren moduko esposizio-
biomarkatzaileen gainean eragina duena badakigu
(Soto et al., 2002; 1. Kapitulua). Hala ere, Cd pean
jarritako magurioetan ez dirudi DCLk BSD-
hedapenaren gainean eragina duenik, lisosomen
barneko BSDen neurketa mikroskopikoak liseri-
zeluletan modu errazean egin baitaitezke, zelula
basofilikoak taldekaturik agertu ohi direlako.
Bareetan, metal desberdinen arabera emaitza
desberdinak erdietsi dira. Dietan 1000 µg Hg/g dosi
pean 3 aste baino gehiagoz tratatutako bareetan,
liseri-guruineko epitelioan suertatutako zelula-
moten osaketaren aldaketak Vv BSD (BSDen
dentsitate bolumetrikoa) esangarriki eragin zuen,
liseri-epitelioa nagusiki BSDrik gabeko iraizte-
zelulez osaturik baitzegoen (Marigómez et al.,
1996). Merkurio pean mantendutako bareetan, BSD
liseri-zeluletan bereziki ugariak, iraizte-zeluletan
esangarriki urriagoak eta kaltzio-zeluletan bakanak
zirela aipatu beharra dago. Aitzitik, Zn pean
mantendutako bareetan, zelula-moten osaketak ez
zuen BSD-hedapenean eraginik izan, AMG bidez
errebelatutako BSDak hiru zelula-motetan
lokalizatu baitziren (Marigómez et al., 1998a). Cd
pean jarritako bareetan, aurretiko behaketek
BSDak iraizte-zeluletan ere bazeudela erakutsi
zuten, eta, beraz, lotugai-multzo eskuragarrien
arabera metal desberdinak zelula-mota
desberdinetan bahitu daitezkeela kontuan hartuz
(Marigómez et al., 2002), Cd-aren presentzian
zelula-moten ordezkapenean behatutako aldaketek
BSD-hedapenaren moduko metal-esposizioaren
biomarkatzaileen gainean eragina duten ikertzea
planifikatu genuen.
Azkenik, metal indibidualen, metalen
nahasketen, zein kutsatzaile organikoen pean
jarritako bareen liseri-gurineko epitelioan ere
"itxurazko" CTR deskribatu da (Müller, 1994;
Marigómez et al., 1996; 1998a; 6. Kapitulua), baina
metal eta konposatu organikoen nahasketek
eragindako efektuei buruz ez dago datu
eskuragarririk, guk dakigunez. Moluskuen liseri-
guruinean, zelula-moten osaketari dagokionez
metal eta hidrokarburoen nahasketen eta
kutsatzaile indibidualen eragina desberdina denez
(1. Kapitulua), ikerlan honetan Cd eta kerosenozko
(beren urari egokitutako frakzioa, hain zuzen; WAF:
ingeleraz, Water Accommodated Fraction)
nahasketa kutsatzaile eredu gisa aukeratu zen.
Horrela, ikerlan honetako helburuak hurrengoak
dira: (1) metal (Cd) eta kutsatzaile organikozko
(keroseno-WAF) nahasketa pean mantendutako
bareen liseri-guruinean DCL dagoen den finkatzea;
(2) magurioetan bezala, kutsatzaileen pean
jarritako bareen liseri-guruinean, DCL prozesu
itzulgarria den frogatzea; eta (3) zelula-moten
osaketan gertatutako aldaketek BSD-hedapena
moduko esposizio-biomarkatzaileen gainean
eragina duten argitzea. Helburu horiekin, Delika
(Euskal Herria) inguruko toki garbi batetik Arion ater
bareak hartu ziren. Kadmio eta keroseno-WAF
nahasketaren dosi subletal pean 27 egunez jarri