MOLUSKUEN LISERI-GURUINEKO EPITELIOAREN ... - Euskara

Zelula-moten ordezkapen itzulgarria kadmio pean jarritako Littorina littorea molusku itsastarraren liseri-guruinean.
Kapitulua). Edonola ere, azken hipotesi hori
baieztatzeko, teknika immunohistokimikoak erabiliz
zelula apoptotikoen identifikazio espezifikoak eta
mikroskopio elektroniko mailan egindako ikerketak
burutzea beharrezkoa da.
Ikerlan honen ekarpen garrantzitsuena, CTR
itzulgarria dela frogatzea izan da: 10 eguneko
arazketa-aldia eta gero, liseri-zelulak berriz ere
zelula basofilikoak baino ugariagoak suertatu dira.
Liseri-zelulen PCNA-markaketa Cd pean
mantendutako zein araztutako magurioetan
antzekoa izanik, CTRren itzulgarritasunak liseri-
zelulen galera moteltzearekin zerikusia behar du
izan, Cd-aren gabezian liseri-zelulen jarduera
metabolikoa berriz ere bere egoera normalera
itzultzea espero baita (Marigómez et al., 1986).
Beraz, liseri-zelulen berriztapena kutsatzaileen
gisako ingurumen-faktoreek modulatua dagoela
dirudienez, zelula-moten osaketa bereizgarria
ingurumen-baldintza berezi bati egotzi ahal zaio.
Ingurumen-erasoaren maila eta luzeraren
araberakoa izan daitekeen moldaera hori, liseri-
guruinaren fisiologiaren ulermenean eta
biomarkatzaileen aplikazioan eragina izan dezake,
itu-zeluletan ezartzen ez diren eta matrize
analitikoan (liseri-guruina) suertatzen diren
aldaketak aintzakotzat hartzen ez dituzten
prozedurak erabiltzen badira.
Metal-esposizioak sortarazitako CTRk, BSD-
hedapena bezalako esposizio-biomarkatzaile eta
lisosomen erantzunak bezalako efektu-
biomarkatzaileen gainean eragina izan dezakeela
frogatu da muskuiluetan (Soto et al., 2002; 1.
Kapitulua). Modu berean, metal-esposizioak
muskuilu eta magurioen liseri-guruinean
eragindako masa netoaren aldaketek, AAS bidez
estimatutako ehunetako metal-zaman eragina izan
dezakete (Soto et al., 1997a; 1997b). Dirudienez,
liseri-zelulen galerak eta berreskurapenak, ikerlan
honetan aplikatutako biomarkatzaileen (BSD-
hedapena, lisosomen parametro estereologikoak)
gainean eraginik ez dute. Magurioen liseri-
guruineko Vv BAS balioak 0,2 µm 3 /µm 3 baino
handiagoak izan arren, zelula basofilikoak
saihestuz; lisosomen barneko metal-kopuru eta
lisosomen handipenaren neurketak zuzenean liseri-
zelulen gainean egin daitezke.
Laburbilduz, ikerlan honen ondorioak honako
hauek dira: (1) "itxurazko" zelula-moten
ordezkapena liseri-zelulen galerak eta aldibereko
zelula basofilikoen hipertrofiak sortua dela; (2)
prozesua itzulgarria dela; (3) liseri-zelulen
proliferazioa Cd pean mantendutako magurioetan
areagotzen dela, eta tendentzia hori arazketa-
aldiaren ondoren mantentzen dela; eta (4) liseri-
zelulen galera eta berreskurapena ikerlan honetan
erabilitako maila zelular eta tisularreko
biomarkatzaileen gainean eraginik ez dirudi duenik.
BIBLIOGRAFIA
Axiak V, George JJ, Moore MN (1988) Petroleum hydrocarbons
in the marine bivalve Venus verrucosa: accumulation and
cellular responses. Mar. Biol. 97:225-230.
Beyersmann D, Hechtenberg S (1997) Cadmium, gene regula-
tion, and cellular signalling in mammalian cells. Toxicol.
Appl. Pharmacol. 144:247-261.
Bursch W, Ellinger A, Gerner CH, Fröhwein U, Schulte-
Hermann R (2000) Programmed cell death (PCD) apopto-
sis, autophagic PCD, or others?. Ann. N.Y. Acad. Sci.
926:1-12.
159