MOLUSKUEN LISERI-GURUINEKO EPITELIOAREN ... - Euskara

Moluskuen liseri-guruina
eta, Mortonen ereduko liseri-tubuluak ez bezala, estrukturalki konplexuak dira. Konduktutik
gertuen dagoen albeoloaren zatia zabalduta agertzen da (ganbara) eta bertatik behatz
itxurako luzakin tubularrak (4-10 proiekzio) proiektatzen dira. Zenbait kasutan, luzakin
horiek alde distalean banatuta egon daitezke, eta konduktu sekundario eta ganbararen
artean estugunea (lepoa) ere ager daiteke. Ganbara zapalduta dago, eta bere dimentsiorik
txikienean ez da behatz-itxurako luzakinen kalibrea baino handiagoa. Hori dela eta,
tubuluen ukondo edo adarkatze-gune moduan interpretatu da hainbat lanetan, eta zenbait
kasutan ere gemazio bidez agertutako tubulu berrien sorgune gisa (Palmer, 1979). 3-D
berreraiketak emandako ikuspegi berri hori, kriohausturaz lortutako laginak ekorkuntzazko
mikroskopio elektronikoan aztertuz egiaztatu egin da (Basalo, 1998) (4. Ird.).
Aipatutako albeoloen deskribapena muskuiluen kasuan indibiduo helduentzat
baliagarria da, baina muskuilu gazteetan (maskorraren luzera