MOLUSKUEN LISERI-GURUINEKO EPITELIOAREN ... - Euskara

Zelula-moten ordezkapen itzulgarria kadmio pean jarritako Littorina littorea molusku itsastarraren liseri-guruinean.
Estatistika
Emaitzak estatistikoki analizatzeko SPSS/PC+
(SPSS Inc., Microsoft Co.) pakete estatistikoa
erabili zen. Lisosomen Vv eta Nv logaritmikoki
transformatu ziren analisi estatistikoa aplikatu
aurretik, indibiduoen arteko bariantza
batezbestekoaren menpekoa zelako. Aldagai
esperimentalen esangarritasuna, bide bateko
bariantzaren analisia (ANOVA) erabiliz estimatu
zen, eta parekatutako batezbestekoak, Duncan
testa erabiliz konparatu ziren.
EMAITZAK
Liseri-epitelioaren analisi morfometriko eta
estereologikoa
Esperimentuak iraun zuen denbora guztian
magurio kontrolen liseri-guruinean behatutako
zelula-mota nagusia pikor zitoplasmatiko
heterogeneoak zituen liseri-zelula izan zen. Zelula
basofilikoak, beraien soslai piramidal
karakteristikoarekin taldekatuak agertu ziren (1A
eta 1B Ird.). Bestalde, zelula basofilikoen maiztasun
erlatiboa askoz nabarmenagoa izan zen 21 egunez
Cd pean jarritako magurioetan (1C eta 1D Ird.).
Liseri-dibertikuluen lumena dilatatu samarra
zegoela zirudien (1C Ird.), baina analisi
estererologikoak egin ondoren animalia kontrol eta
kutsatuen artean Vv LUMEN balioan
desberdintasun esangarririk ez zegoela
ondorioztatu zen (2. Ird.). Are gehiago, Cd pean
jarritako magurioen liseri-zelulek iraizpenean gogoz
jarduten ari ziren (1C eta 1D Ird.), baina epitelioaren
lodierak ez zuen funtsezko murrizketarik pairatu
(epitelioaren ebakiduraren azalera: kontrolak,
36633±2894 µm 2 ; Cd pean jarritakoak,
35640±2761 µm 2 ; araztutakoak, 39514±4028
µm 2 ). Azkenik, Cd pean jarritako magurioetan,
zelula basofilikoek, handiagoak izanik, basofilia
gutxiago zutela (1C eta 1D Ird.) eta pikor
zitoplasmatikoen populazio heterogeneoagoa
zutela ematen zuen (1D Ird.). Behaketa hauek
sendotzeko asmoz irudi-analisiaren laguntzarekin
zelula basofilikoen tamaina estimatu zen
ebakiduraren azaleren neurketa zuzenak burutuz.
3. irudian ikusten denez, Cd pean jarritako
magurioetan zelula basofilikoen tamaina (bolumena
µm 3 -tan adierazita) kontrolena baino bi aldiz
handiagoa izan zen, azken hauek esperimentuak
iraun bitartean aldakatarik jaso ez zutelarik. Ur
garbitan 10 egunez arazten egon ondoren, liseri-
guruinaren epitelioa ezin zen animali kontrolen
epiteliotik bereizi. Zelula basofilikoen tamaina
normala berreskuratu zen, euren bolumenaren
neurketek adierazi zutenez (3. Ird.).
2. Irudia: Magurio kontrol (zutabe zuria) eta 1.25 mg Cd/l pean
mantendutako (zutabe grisa) magurioen liseri-tubuluen
lumenaren dentsitate bolumetrikoa. Segmentu bertikalek
desbidazio estandarrak adierazi dituzte.
149