MOLUSKUEN LISERI-GURUINEKO EPITELIOAREN ... - Euskara

Emaitzak eta eztabaida
eta, ondoren, 10 egunez itsas-ur garbitan eduki
ziren; izan ere, aldez aurretik arazketak zelula
basofilikoen kopuruan jaitsiera eragin dezakeela
ikusi da.
Zelula-moten ordezkapen-prozesuak hainbat
emaitza biokimiko eta bioenergetiko eztabaidatsu
azal ditzake, uretan eta muskuilu itsastarren ehun
bigunetan neurtutako metal-kontzentrazioak
erlazionatzerakoan behatutako emaitza
eztabaidakorrak, besteak beste. Marigómez et al.
(1996, 1998), Soto et al. (1998a) eta Soto &
Marigómez-ek (1997b) esposizio luze edo
kronikoen ondorioz liseri-epitelioetan metalen
metaketarik ematen ez zela aurkitu zuten; izan ere,
epitelio horietan ez da apenas liseri-zelularik
ikusten, eta euren lisosomak metaleen metaketa-
toki nagusia dira. Zelula-espezifiko diren hainbat
biomarkatzaile (parametro lisosomikoak,
peroxisomen proliferazioa...) erabiltzen direnean
lortutako emaitzak interpretatzerakoan, antzeko
ondorioak lortu daitezke. Kutsatzaileen eragin pean
jartzeak liseri-zeluletako lisosomen tamainaren
handipena eragiten du normalean (Cajaraville et al.,
1995a; Etxeberria et al., 1995; Marigómez et al.,
2005a), baina zelai ikerketetan denbora tarte
laburrez kutsatzaile organikoen pean jarritako
animalietan lisosomen tamainaren txikipena
deskribatu da baita (Marigómez & Baybay-
Villacorta, 2003). Metaketa-gaitasuna eta
biomarkatzaileen erantzun batzuk zelula-mota
espezifikoak direnez, zelula-moten osaketan
ematen diren aldaketak, biometatze eta
biomarkatzaileen ikerketetan, ustekabeko emaitza
gisa ager daitezkeela susma daiteke. Testuinguru
144
honetan, ikerketa honen bigarren helburua, zelula-
moten ordezkapenak, metal-esposizio eta efektu
biologikozko biomarkatzaile ezagunak diren AMGz
lortutako zilarrezko hauspeakin beltzen (BSD;
ingeleraz, black silver deposits) hedapenean eta
lisosomen tamaina aldaketan eraginik ote duen
ikustea da (Cajaraville et al., 1995a; Marigómez et
al., 2002).
MATERIAL ETA METODOAK
Erreaktibo kimikoak
Erabilitako erreaktibo kimiko guztiak maila
analitikokoak eta Sigma-Aldrich (St. Louis,
Missouri, Amerikako Estatu Batuak), merkatal-
etxekoak dira besterik agertu ezean.
Prozedura esperimentala
2.5-3.5 zm altuera kolumelarreko Littorina
littorea magurioak merkatu batean eskuratu ziren
2001. eko urtarrilean eta litro bateko akuarioetan
mantendu ziren moldatzen 17ºC-tan 7 egunez.
Girora moldatzeko denbora igaro ondoren,
magurioak 1.25 mg Cd/l-pean jarri ziren 21 egunez.
Kontzentrazio subletal horrek liseri-guruineko
epitelioko zelula basofilikoen proportzio
erlatiboaren igoera esangarria sortarazten duela
aldez aurretik egindako esperimentuetan
deskribatu da (Marigómez et al., 1990). Esposizio-
denbora bitartean, magurioak aldez aurretik
izoztutako Fucus vesiculosus algaz “ad libitum”
elikatu ziren. Janaria eta ura 2 egunero aldatu ziren.
Kadmio peko 21 egunak igaro ondoren, talde
esperimental bakoitzeko 10 magurio hartu ziren, eta