MOLUSKUEN LISERI-GURUINEKO EPITELIOAREN ... - Euskara

Moluskuen liseri-guruina
tubulu itsuz osaturik dago (2. Ird.). Dena den, ebakien gainean interpretazioak egiterakoan
eredu tubular honek zenbait arazo sortu ditu. Tubuluak oso adarkatuta baldin baleude, oso
luzeak ez balira behintzat, ukondo eta bihurguneen hainbat irudi behatuko lirateke
ebakietan, eta irudi hauek, berriz, urriak dira. Halaber, tubuluak oso adarkatuta ez baldin
baleude (Salvini-Plawen, 1988), konduktuak oso handiak izan beharko lirateke, eta
ebakietan agertzen diren konduktuen ebakidurak, berriz, urriak dira. Azkenik, konduktu eta
tubuluen arteko loturen bi dimentsiotako irudi eskematikoak plazaratu diren arren (Owen,
1966; Salvini-Plawen, 1988; Beninger & LePennec, 1991), eskema horiek 3-dimentsiotako
(3-D) antolakuntza espaziala ezin dute argiro azaldu. Gainera, liseri-dibertikuluetan
ematen den fluidoen sarrera- eta irteera-prozesuak eta liseriketa intrazelularrerako
dibertikuluen epitelio-zeluletan ematen diren xurgapen-, jariapen- eta iraizpen-prozesu
koordinatuak nekez azaldu daitezke eredu tubular honen arabera.
Aitzitik, 3-D berreraiketak eginez, muskuiluen liseri-guruinean unitate
morfofuntzionala liseri-albeoloa dela frogatu da (3. Ird.; Marigómez et al., 1995a; 1995b;
Quincoces, 1995; Lekube, 1997). Liseri-albeoloak, konduktu sekundariotik irekitzen dira,
2. Irudia: Hematoxilina-eosinaz tindatutako muskuiluaren liseri-guruinaren ebakinen irudiak. (A) Liseri-guruinaren
ikuspegi orokorra, bertan (K) liseri-konduktuak, (G) liseri-albeoloen ganbarak eta (A) ehatz itxurako luzakinak bereiz
daitezke. Ehun konektiboak liseri-egiturak inguratzen ditu. (B) Hatz itxurako luzakin baten soslaia xehetasun gehiagoz
ikusten da. Bertan liseri-zelulak (LZ), eta zelula basofilikoak (ZB) bereiz daitezke.
7