MOLUSKUEN LISERI-GURUINEKO EPITELIOAREN ... - Euskara

Emaitzak eta eztabaida
eragin zuen BrdU-markaketan; muskuilu helduetan,
ordea, itsasaldi-erregimena eta argi/iluntasun
zikloaren interakzioa esangarria izan zen.
Aldamolde hori, BrdU-pultsu jarraia jaso zuten
mareazpiko muskuilu handietan behatutakoaren
antzekoa izan zen (Zaldibar et al., 2004). Seguru
asko, 6 ordutako pultsuaren ostean suertatutako
BrdUren eskuragarritasunaren beherakadak,
etengabeko BrdUren gehipenaren kasuan (Zaldibar
et al., 2004) ez bezala, BrdUren pultsua eman eta
12 ordutara proliferazio zelularrean aldamolde
zirkamareala zergaitik desagertuz joan zen
azalduko luke. Bereziki muskuilu helduen kasuan,
zeintzuetan, BrdU-markaketa bortitzagoa izanik
130
(piko maximo altuagoak), BrdU-ren hornidura
mugatua gazteetan baino kritikoagoa suertatuko
litzatekeen. Baldintza horietan, esperimentu
honetan zeharreko BrdU-maila eskuragarriak
muskuiluentzat baxuak izatea litekeena da (Potten
et al., 1992, Candia Carnevali et al., 1997); hala
ere, BrdU kontzentrazio ez kaltegarriak erabili
beharrak alde batetik (ikusi Zaldibar et al., 2004),
eta esperimentu nagusi hauetan ikertu nahi
genituen marearteko muskuiluak uretan BrdU pean
mantentzeko denbora mugatuak bestetik, diseinu
esperimentalaren nondik norakoak agindu
zizkiguten.
4. Irudia: 2 egunez fotoperiodo
(argitasun/iluntasun) eta erregimen mareal
(airean/uretan) naturalean mantendutako
muskuiluen liseri-guruineko BrdU
markaketa (‰ ± desbidazio estandarra)
denboraren arabera (eguzki-denbora). (A)
udako marearteko muskuilu handiak, (B)
udazkeneko marearteko muskuilu handiak.
Geziek BrdU pultsua eman zitzaien ordua
adierazten du. Marra horizontalek,
argiztapen-baldintzak (zuria, argitasuntarteak;
marraduna, ilunabar-tarteak;
beltza, iluntasun-tarteak), eta erregimen
mareala (uhinak, uretan murgilduta)
adierazten dituzte. Erabilitako ikurren
forma eta trama desberdinek esangarriki
desberdinak diren azpitaldeak adierazi
dituzte, Duncan testaren arabera (p