MOLUSKUEN LISERI-GURUINEKO EPITELIOAREN ... - Euskara

Zati Teorikoa
1998). Ehun konektibo dentsozko kapsula liseri-guruinaren bi lobuluak inguratzen ditu.
Kapsula horrek loditze-gune nabarmen batzuk agertzen ditu, zeintzuetatik urdaila
enkapsulatzen duen ehun konektibo dentsozko kapsularekin bat egin arte trenkada
sendoak proiektatzen baitira. Horrela, dibertikuluen multzoak trenkada sendoen artean
murgilduta agertu dira (lobulutxo primarioak). Lobulutxo primario bakoitza konduktu
primario baten inguruan antolatuta dago. Lobulutxo primarioen barruan ehun konektibozko
xaflek inguratutako lobulutxo sekundarioen taldekapenak bereizi dira. Horrela lobulutxo
sekundario bakoitzean 5-10 dibertikulu daude, konduktu sekundario berari lotuta daudenak
(Basalo, 1998). Urdaila zein konduktu primarioen inguruan muskulu leuna dago; konduktu
sekundario eta dibertikuluetan, ordea, gero eta muskulu gutxiago agertzen da. Izatez,
dibertikuluetan ez da muskulu leunaren zantzu esangarririk aurkitu (Basalo, 1998).
Gaur egun molusku bibalbioentzat onartuta dagoen liseri-guruinaren eredua
Mortonek proposatu zuen 1983. urtean. Eredu horren arabera, liseri-guruina, urdailetik
abiatutako konduktu (primario eta sekundario) adarkatuen bitartez konektaturik dauden
6
1. Irudia: Masson-Golder tindaketa
trikromikoaz tindatutako muskuiluaren liseriguruinaren
ebakien irudiak. (A) Muskulu-ehun eta
ehun konektibozko trenkada bat ikus daiteke. Gezi
estuek muskulu-zelulak adierazten dituzte. Gezi
lodiek trenkadaren zatirik zabalena adierazten
dute. Izarrek, ehun konektibotan joriak diren
trenkadaren zatirik estuenak adierazten dituzte. (B)
eta (C) irudiek lagin baten gune beretsuan
mikrometro batzuen distantzian hartutako bi ebakin
erakusten dituzte. Geziek trenkadak adierazten
dituzte. Eskala-marra: 100 μm. (Basalo-tik (1998)
hartua).