MOLUSKUEN LISERI-GURUINEKO EPITELIOAREN ... - Euskara

Emaitzak eta eztabaida
laginaren tamaina egoki lortzearen eta konduktu
sekundarioen zeharkako ebakidurak lortzearen
zailtasunaren arteko konpromisozko erabakia
suposatu zuen. Datuak adierazteko momentuan
‰-ra pasatu ziren. Urdailean, kontaketa trantsektu
bat eginez burutu zen, eta guztira 200 zelula
zenbatu ziren epitelioan barrena. Zelula-kopuru
baxuago hori, urdailean jarduera proliferatzailea
oso handia dela egiaztatu ondoren hautatu zen.
Datuak kasu honetan ere ‰-ko balioetan eman
dira, aurrekoekin konparagarriak izan ahal izateko.
EMAITZAK
Liseri epitelioko liseri-zelula zein zelula
basofilikoek, BrdU-positibo ziren nukleoak erakutsi
zituzten, nahiz eta zelula BrdU-positibo gehienak
liseri-zelulak izan (1. Ird.). Urdaila, nukleo BrdU-
positibo gehien erakutsi zituen organoa izan zen (1.
Ird.). Tindaketaren kontrol-ebakietan ez zen inolako
positibotasunik behatu (1. Ird.).
Atariko esperimentuak
BrdU-markaketari dagokionez, liseri-guruin eta
urdaileko epitelioan patroi zirkamareal
konparagarria ezagutu zen, seinale/zarata erlazioa
urdailean txikiagoa izan arren. Beraz, liseri-
guruineko epitelioko BrdU-markaketa emaitzak
soilik aurkeztuko dira hemendik aurrera.
Eguneko pultsu-esperimentuan, muskuilu
helduetan liseri-guruineko ‰33 zelulek BrdU
markaketa aurkeztu zuten. Animali gazteetan,
ordea, markaketa baxuagoa izan zen (‰21) (2A eta
2C Ird.). Liseri-epitelioaren BrdU-markaketaren
124
kuantifikazioari dagozkion emaitzak, liseri-zelulen
proliferazio-tasan gertatutako aldaketei egokitu
zitzaizkien, zelula basofiliko BrdU-positiboak
noizean behin soilik behatu baitziren. Termino
kualitatiboetan, muskuilu gazte zein helduetan
aldamolde bera aurkitu zen. Aldamoldea itsasaldi-
erregimenak (IE) edo argia/iluntasuna zikloak (AIZ)
gobernatua dagoen zehazteko asmoz, uretan
murgiltzearen (itsasbeheratik itsasgoranzko bidea)
eta aire-esposizioaren (itsasgoratik itsasbeherantz)
uneetako batezbesteko BrdU-markaketa kalkulatu
zen (1. Taula, 3. Ird). Helburu horretarako, eta
esperimentua aurrera joan ahala behatutako BrdU-
markaketan beherakada kontuan hartuz, kalkuluak
egiteko BrdU-pultsu osteko lehenengo 12 ordutako
datuak baino ez ziren aintzat hartu. Batezbesteko
BrdU-markaketaren balio altuena, gaueko
murgiltze-aldian (marea altua) aurkitu zen muskuilu
gazte zein helduetan; muskuilu gazteetan, gainera,
eguneko murgilketa-aldian tarteko balioak
erregistratu zirelarik (3. Ird.). Bi bidetako ANOVA
analisiak muskuilu helduetan IE eta IE x AIZ
faktoreek batezbesteko BrdU-markaketan eragin
esangarria zutela adierazi zuten, muskuilu
gazteetan, ordea, IE x AIZ elkarrekintza faktorerik
esangarriena (p