MOLUSKUEN LISERI-GURUINEKO EPITELIOAREN ... - Euskara

SARRERA
Muskuiluen liseri-guruineko epitelioa
desberdintzatutako 2 zelula-motez osaturik dago,
liseri-zelula eta zelula basofilikoa, alegia. Liseri-
zelulek, oso sistema endo-lisosomiko garatua dute
eta elikagaien liseriketa intrazelularraz arduratzen
dira. Zelula basofilikoek, izaera basofiloa damaien
erretikulu endoplasmatiko pikortsu garatua dute,
eta liseri-zelulak baino urriagoak dira. Marigómez
et al.-ek, (1999), PCNA immunohistokimika erabiliz,
bi zelula-mota horiek proliferatzeko gai direla
frogatu zuten. Liseri-zeluletan irudi mitotikoak
aurkitu izanak eta BrdU immunohistokimikak,
zelulen berriztapena liseri-zelula eta zelula
basofiliko helduen zatiketa autologoaz burutzen
dela baieztatu dute (Zaldibar et al., 2004). Liseri-
dibertikuluen epitelio-zelulen berriztapena
sinkronizatuta dago patroi zirkamareala jarraituz,
BrdU-markaketaren aldaketek adierazi zutenez
(Zaldibar et al., 2004). Esperimentu horiek,
mareazpiko muskuiluekin soilik burutu ziren arren,
edonola ere itsasaldi-erregimena eraginkorra zela
proposatu zen. Dirudienez, liseri-guruineko
epitelioaren zelulen berriztapena, Izagirre-ren
(2000) arabera liseri-zelulen jarduera fisiologikoa
(adb, liseriketa intrazelularra) murrizten deneko
une jakinetara mugatuta dago. Beraz, jarduera
fisiologiko eta ziklo zelularraren arteko
elkarrekintza ezagutzea, liseri-epitelioaren zelulen
berriztapen ulertzeko oinarrizkoa izango litzateke.
Testuinguru horretan, liseri-guruinaren gainean
eragina duten aldagai naturalek (adina, sasoia,
itsasaldi-erregimena), liseri-guruineko zeluletan
Sasoi,tamaina eta erregimen marealarekin erlazionatutako berriztapen zelularra
aurkitutako jarduera proliferatzailearen eredu
zirkamareala, aldarazi edo modula dezaketen
finkatzea erronka erabakigarria da. Liseri
guruinaren forma eta funtzioa, liseritze-iraupena
eta intentsitatea eta beste prozesu fisiologikoak
barne, aldagai horien arabera aldatu egiten da
(Etxeberria et al., 1994; Cancio et al., 1999;
Fernández-Reiriz et al., 2001; Wong & Cheung,
2001; Le Pennec & Le Pennec, 2002; Pazos et al.,
2003). Are gehiago, tamaina (adin) desberdineko
muskuiluek, liseri-guruineko zelulen proliferazio-
eredu ezberdina dute. Izatez, SDS-PAGE
elektroforesiaren ondoko PCNAren
immunotransferentziak, muskuilu txikien (gazte
heldugabeak) liseri-guruineko zelulak muskuilu
handienetakoak (helduak) baino proliferazio
gaitasun handiagoa zutela erakutsi zuten
(Marigómez et al., 1999).
Hiru sasoi desberdinetan (negua, udara eta
udazkena) itsasarteko bi eskualde desberdinetan
(mareartekoa eta mareazpikoa) hartutako tamaina
desberdineko (txikiak-gazteak eta handiak-
helduak) Mytilus galloprovincialis (Lmk) muskuiluen
liseri-guruineko eta urdaileko zelula
proliferatzaileen banaketa, BrdU-
immunohistokimika bitartez ikertu zen.
MATERIAL ETA METODOAK
Erreaktibo kimikoak
Erabilitako erreaktibo kimiko guztiak maila
analitikokoak eta Sigma-Aldrich (St. Louis,
Missouri, Amerikako Estatu Batuak), merkatal-
etxekoak dira besterik agertu ezean.
121