MOLUSKUEN LISERI-GURUINEKO EPITELIOAREN ... - Euskara

Duncan testa aplikatu zen. Azkenik, erregresio ez
linealaren analisiak Sigma Plot programaren
bitartez (SPSS, Microsoft) burutu ziren.
Mitosien bilaketa
Beste parafinazko ebaki batzuk (3 µm-koak)
aldez aurretik deskribatu bezala prozesatu ziren,
hematoxilina-eosinaz tindatu eta argi-
mikroskopioan behatu ziren, liseri-guruinaren
ehunean irudi mitotikoak identifikatzeko asmoz.
Mikrografiak, Olympus BX50 mikroskopioari atxiki
zegoen Olympus PM20 kameran lortu ziren.
EMAITZAK
Muskuiluen liseri-guruinan, zelula BrdU-
immunorreaktiboak urdail, konduktu sekundario eta
liseri-albeoloen epitelioetan lokalizatu egin ziren (1
Ird.). Liseri-epitelioan, liseri-zelulek zein zelula
basofilikoek positiboki markatutako nukleoa
erakutsi zuten, nahiz eta zelula erreakzionagarri
gehienak liseri-zelulak izan (1A Ird.). Konduktu
sekundarioetan, zelula BrdU-positiboak zati
ziliatuetan kokaturik agertu ziren gehien bat (1B
Ird.). Urdailean beste epitelioetan baino askoz
zelula immunopositibo gehiago behatu ziren (1C
Ird.). Azkenik, hemozitoen nukleoetan ere
markaketa bortitza aurkitu genuen. Hemozitoak,
sarritan epitelio-zelula BrdU-positiboen azpian
kokaturik agertu ziren, xafla basalaren (zentzu
histologikoan) azpian, hain zuzen ere (1B Ird.).
Gainera, zelulen soberakinak, nukleo BrdU-
positiboak barne, liseri-traktuaren argian askotan
behatu ziren, hondakin zelularrekin batera (1D Ird.).
BrdUren aurkako antigorputzarik gabe inkubatu
Zelulen proliferazioaren aldamolde zirkamareala muskuiluaren liseri-guruinean
ziren kontrol-ebakiek ez zuten inolako markaketarik
erakutsi (1E Ird.).
Faktore bateko ANOVA analisien (1. Taula) zein
batezbestekoen arteko konparaketa anitza egiteko
Duncan testaren arabera, BrdU-markaketa
baloreak laginketa-denboren artean esangarriki
desberdinak izan ziren. Duncan testaren arabera
esangarriki desberdinak ziren zenbait azpitalde
homogeneo bereiztu ziren, 2. Ird.-an erakutsi den
bezalaxe. Liseri-epitelioan, zelulen ‰20-‰25
bitartean BrdUz markatuta agertu zen; konduktu
sekudarioetan, berriz, markaketa 8 aldiz baxuagoa
izan zen gutxi gorabehera (‰3), eta urdailean 6
biderrez altuagoa (‰150) (2 Ird.). Liseri-guruineko
zelulen BrdU-markaketak liseri-zelulen proliferazio-
tasaren aldaketak islatu zuen batik bat, zelula
basofiliko BrdU-positiboak oso noizean behin baino
behatu ez zirelako. Liseri-epitelioan, BrdU-
markaketaren jaitsiera nabarmenak 20:00-24:00
eta 08:00-10:00 tarteetan erregistratu ziren,
bitartean igoerak behatu zirelarik (2A Ird.).
Esperimentazio-egun bietan aldamolde erritmiko
berdintsua aurkitu genuen. Erregresio ez-linealaren
analisiaren ondoren, gutxi gorabehera 12 h-ko
maiztasuna zuen funtzio sigmoideo bati doitu
zitzaion, esangarriki. (3 Ird.). BrdU-markaketak
konduktu sekundarioetan eta urdaileko epitelioan
antzeko irudi erritmikoen patroia erakutsi zuen (2B,
C Ird.), baina erregresio ez-lineala eta korrelazio-
koefizientea ez ziren estatistikoki esangarriak izan.
Muskuiluen liseri-guruina ohi bezala behatu
ostean, irudi mitotikoak han-hemenka identifikatu
ziren liseri-zeluletan (1F Ird.), eta hemozito zein
urdaileko zeluletan ere.
109