MOLUSKUEN LISERI-GURUINEKO EPITELIOAREN ... - Euskara

Emaitzak eta eztabaida
desberdinek nolako eragina duten ezagutzea
beharrezkoa zaigu. Faktore hauen artean,
muskuiluen adina, itsasaldi-erregimena, urteko
sasoia, kutsatzaileen arteko elkarrekintza eta aldez
aurretik kutsatzaile pean egon izana ditugu,
besteak beste.
Urteko sasoiari dagokionez, udan Vv BAS
neguan baino altuagoa da. Sasoiari lotutako
aldaketa hori ziklo gonadalarekin erlazionatu da
(Méndez, 1993).
Kutsatzaileen arteko elkarrekintza ikertzeko
asmoz, laugarren esperimentuan Cd-arekin batera
muskuiluak BaP kutsatzaile organikoaren pean jarri
ziren. Analisi kimikoek diotenez, kutsatzaileen
nahasketa horrek ez zuen eraginik izan liseri-
guruinak Cd-a metatzeko duen gaitasunean.
Emaitza hori, beste ikerlan batzuekin bat dator. Izan
ere, Cd eta alkilbentzeno sulfonatua kutsatzaile
organikoaren artean ez da ere ez lehiaketa-
mekanismorik aurkitu (Da Ros et al., 1995). Hala
ere, BSDen emaitzek, BaP-k metalen mobilizazioa
eragin dezakela erakutsi digute. Hau da, BaP
taldeko muskuiluetan Vv BSD balioak esangarriki
igo dira esperimentuko lehenengo egunetik.
Beharbada, BaP-aren eraginez, metal esentzialak
liseri-zelulen lisosometara mobilizatuak gerta
litezke.
Laugarren esperimentu honetan, Cd + BaP
nahasketak CTR eragiten du, baita BaPk eta
DMSOk (nahiz eta maila baxuagoan) ere. Cd + BaP
nahasketak emandako Vv BAS balioak, Cd pean
mantendutako muskuiluen antzekoak izan dira,
beraz nahiz eta Cd-a eta BaP-a norberak bere
98
aldetik CTR eragin, bien nahasketak ez du erantzun
gehigarririk ekarri.
CTR fenomenoaren gainean eragina izan
dezakeen beste faktoreetako bat, aldez aurretik
estres-egoera batean egotea izan daiteke.
Bosgarren esperimentuan, Zn-ez kutsatuta zegoen
Meñakoz izeneko lekutik (Soto et al., 1995) hartu
ziren muskuiluak. 7 egunez laborategian ur garbitan
egon ondoren Plentziako muskuilu kontrolen
Vv BSD eta Vv BAS balio antzekoak erakutsi
zituzten. Izan ere, 3. esperimentuan CTR gutxienez
14 egunetan itzulgarria dela ikusi denez, 7
egunetan Vv BAS balioak berreskuratzea ez zaigu
harrigarria gertatu. Gainera, kontrol gisa erabilitako
muskuiluetan, balioak beste esperimentuen
kontrolen maila baxuan mantendu ziren 5.
esperimentuak iraun bitartean. Cd pean jarritako
muskuiluetan, ordea, aurreneko esperimentuetan
ez bezala, 10 µg Cd/l-ko kontzentrazioak CTR
induzitu zuen. Muskuilu hauetan, aldez aurretik
estres-egoera batean egon izanak, beraien liseri-
guruineko Vv BAS Plentziako muskuiluetan baino
errezago goratzea eragin zezakeen. Bestalde, bi
Cd kontzentrazioen desberdinen pean
mantendutako muskuiluetan Vv BSD balioen
jeitsiera behatu zen, Vv BAS balioen aldaketekin
sinkronian agertu ez ba ziren ere. Gainera, Vv BSD
balioak Plentziako muskuiluetan (2. esperimentuko
datuak) baino denbora gehiago behar izan zuten
modu esangarrian igotzeko. Beraz, aldez-aurretik
estres-egoera batean egon izanak, dirudienez, CTR
erantzunaren nondik norakoak, zein metalen
detoxifikazio-mekanismoak eta -dinamika afekta
ditzake.