S - Vesuvioweb

G. DF. – S. A. per www.vesuvioweb.com
scágnö: 1. s. m. Scambio, equivoco. Cagno e scagno. Scagnanomme.
2. avv. Pe scagno, per errore.
*BAS. A lo quale contaie tutto chello che l’era socciesso pe lo viaggio
ed utemamente a lo palazzo, e comme, pigliato scagno da
Menechella, avea dormuto con essa;
*BAS. Sentuto sta proposta Miuccio voleva responnere ca lo re steva
male ’nformato, e ca l’aveva pigliato ’n scagno, perché non era
cuorvo che cacciasse uocchie né latrinaro che spilasse pertosa,
*BAS. Che Zeza
me dia lo cagno e scagno
de quanto l'aggio fatto.
*CORT. E dico: «Be'? N'è cosa da stordire?»
Ed isso a me: «Strasecolo, a fé mia!»
Ed io soggiongo: «Se me vuoie faurire
A cagno e scagno fare mo vorria».
*CORT. Voglio arrobbare sempre commo Arpia
Pe dare a chisto bello 'nnammorato
E panne viecchie e pane e lardo e caso,
Facenno a cagno e scagno co no vaso».
*SGR. Si non so' fore Crapa ciento miglia,
Ammore, io creo ca m' haie pigliato a scagno:
S' io dormo o veglio, s' io cammino o magno,
Pe tte st' affritto core se squaquiglia.
*SGR. Si non so' fore Crapa ciento miglia,
Ammore, io creo ca m' haie pigliato a scagno:
S' io dormo o veglio, s' io cammino o magno,
Pe tte st' affritto core se squaquiglia.
*PS. e pe l'odio che portava a Cicia, non ce l'avesse levato, sùbeto
fegliata, e pe scagno de li nennille non avesse puosto dinto la
cònnola duje cacciottielle.
*DB. Vedennola Mertillo (ò caso granne,
Che senterraie) diss'isso,
La morte mia, dia vita à chesta Ninfa,
Gridava ad auta voce,
Scioglitele le mmano; ah fune nfamme
Portate à mme pe scagno suo a l'autare,
*ETN. Mente i ssarde alluccavano ‘a mare
“ca ve pozzano strafucare!”
nu marvizzo cu n’uocchio ammaccáto
reva mazzate ra cecáto
quanno cugliètte pe scágno a na vopa
chesta pigliaie na mazza ‘i scopa.
*ETN. Me dunaste nu milo muzzecato,
Ed io pe scagno te dunaie stu core,
G. DF. – S. A. - A Lenga Turrese. Lettera – S - 55