S - Vesuvioweb

G. DF. – S. A. per www.vesuvioweb.com
*BAS. Ma, ademmannato n’uovo frisco de gallina primarola, fattole
pigliare a pena n’afeta de caudo ’nce schiaffaie la porvere drinto e,
fattolo sorchiare pe forza a la prencepessa, la commogliaie co
quatto coperte.
*BAS. ne sporpano tante ossa
quanto songo l'ammice spolecate;
tanto zucano sango,
quanto sorchiano vroda;
*CORT. Ma Tonno, mo, ch'era no gran chiappino,
Sentette da lontano lo gra' adore,
E corze, e cchiù d'ogn'auto isso sorchiaie
Et a la primma forma retornaie.
*ETN. Ma de cantà so’ già stracquáto,
e me manca mo lu sciáto;
sicché dateme licènzia,
graziosa e bella auriènza,
nfi’ ca sorchio na mèza de seje,
cu salute de lui e de lei,
ca me se secca lu cannaróne
sbacantànnose lu premmone.
*GQ. O d’Agnielle o de Crape ave gusto,
Nuje mperò nce magnammo l’arrusto,
Isso resta lo fummo a ssorchià.
*SCAR. Quacche ato ncappato haje da tenè, ma si appuro chi è, io mme
lo magno, io mme lo sorchio, io mme lo zuco.
- Comme fosse n’uovo frisco. Ah! Ah!
*CAN. Arapíte 'sta scatula 'e stagno
giá ca site aggarbata e curtese;
accettate stu sordo 'e liccese
e, surchianno, putimmo parlá...
surchiö: s. m. Surchiàta. Surzo. Sorso.
etim. Lat. volgare “sorsum”, classico “sorptum”, da “sorbeo, sorpsi”.
*CORT. Trova la votte, ch'è chiena de vino,
E se la veve tutta a na sorchiata.
Vuoie tu che fosse tanto bestïale
Ch'a la votte facesse quarche male?
*SGR. Sta porva, accossì gialla preparata,
Pare de strunzo, bella facce mia!
Ma tu tanto haie ssa forgia squacquarata,
Che si pigliasse na tabbaccaria
Tutta la strodarrisse a na sorchiata.
surdacchiéllö: s. m. Soldino. Diminutivo di sòrdo.
*FR. Scialone, senza pate e senza mamma,
fa pranzo e cena cu nu casatiello.
G. DF. – S. A. - A Lenga Turrese. Lettera – S - 288