S - Vesuvioweb

G. DF. – S. A. per www.vesuvioweb.com
sempe va sempe vene
sempre a suglia mmáno tene
si l’avota a fantasia
a suglia nfaccia â figlia mia.
*GQ. E bbaje vestuto, ca la suglia corre,
De crèmmese ogne ghiuorno,
Io non tengo àuto che na massarìa,
E a llengua Greca scrivo povesia.
*FR. Ogne ghiuorno fa na storia
mo pe' chesto e mo pe' chello,
e, nfuscato, afferra 'a suglia,
'o bisecolo, 'o martiello...
*BRA. Peggio ’e ’na scarpa vecchia! E tu qua’ suglia,
qua’ spavo e ppece… e te fa meraviglia,
si stanno all’abblativo, ruglio ruglio
isso à arrunzato tutto ’a dint’ê stiglie
e annuro, spierto, sulo e senza voglia
mo ggira cummigliato cu ’na foglia?
*RDS. E ce steva nu scarparo
ca teneva 'a suglia 'mmano
'A mugliera c' 'o scartiello
le scassaie 'o bancariello
*GDA. È masto 'e suglia e spavo, 'e semmenzelle,
ca, cu ppacienza e arte, 'ncolla e 'nchiove;
'e scarpe vecchie ne fa scarpe nove
rinfurzate cu 'mposte e cu ccentrelle.
sulágnö: agg. - 1. Solitario.
2. Deserto.
etim. Lat. “solaneus”.
*AC. ‘A luntano, sulagna, ntruppecosa,
ianca, ‘a sagliuta d’ ‘o Scudillo pare,
mmiez’ ‘a verdura d’ ‘a campagna nfosa,
‘a scumma ‘e na cascata. ‘E llavannare,
spanneno attuorno addore e biancaria,
linde e terzute, vanno ‘ncumpagnia,
e ‘o vaccaro s’ ‘e guarda e fa penziere.
*RC. Ma doppo cchiù de n'ora 'e sta turtura
'o muscillo già muorto e 'nzanguinato,
'o menano pe' dint'a fugnatura
'e nu vico sulagno e sffussecato.
*SDG. D’ ‘a lucanna, aieressera,
mmiez’ ‘a via nne fuie cacciata:
mmiez’ ‘a via sulagna e nnera
tutt’ ‘a notte Irma è restata.
G. DF. – S. A. - A Lenga Turrese. Lettera – S - 282