S - Vesuvioweb

G. DF. – S. A. per www.vesuvioweb.com
se la cosa è sofisteca o riale.
*SCAR. Sufistica! Essa e la famiglia non se ponno capì nè a la sazia, e
né a la diuna. Figurete, na vecchia vedova, fanatica, e ndiavolata,
la quale pecché tene denare assaje no strafalario se l’ha spusata, e
isso fa la gatta morta dinta a la casa, ma io credo che fore... eh,
l’amico non me persuade. No frate cugino de lo sposo s’è
nghiummato pure nfamiglia, e pe non fà ascì lo grasso da fore a la
pignata ha proposta lo figlio sujo per marito...
sùggëcö: agg. Sottomesso, suddito.
etim. Lat. “sub jugus”, sotto al gioco.
*BAS. Ma chillo cecato fauzo, figlio de no sciancato e na squaltrina, lo
quale have libera autoretate sopra li scettre, vole che io te sia
suggeco, e che te cerca pe grazia chello che porria scervecchiarene
pe propio arbitrio;
*BAS. e, ’ntiso ca venevano a la prova dell’uommene negrecate, voze
sapere lo mago quale pisemo de dolore le facesse suggeche a li
scirocche de li sospire
*PS. Ogn'uno s'arrassava perché la Morte, comm'a n'auto Cesare, aveva
puosto 'n fronte a li suggeche suoje: Nole me tagnere!; e perzò co
li cruocche afferravano a li scurisse e le sbalanzavano mieze
muorte e mieze vive 'ncoppa a li carrettune
suggitá: s. f. Società.
*CAN. Quanno se ne venette a' parta mia,
ero ' cchiù guappo 'e vascio 'a Sanità..
Mo' c'aggio perzo tutta 'a guapparìa
cacciatemmenne 'a dint' ' a suggità...
Scetateve, guagliune 'e malavita!
*MB. Guè, state facenno suggità ?... Chi veco ! Furturella, Gnesella, «
pure vide, 'on Vito ?... Bravo ! Simmo tutte d' 'e nostre !
- Me so' truvato a passa 'a cca, e me so fermato pe vede addò ieva 'o
Santissimo !
sùglia: s. f. Lesina di solachianiello.
etim. Lat. “subula”.
*SGR. Non te annascunne a sto dito dereto,
O de sto core mio suglia e scarpiello!
Non pò chisso sbrannore sta' 'n segreto:
Perché ssa facce è comm' a cantariello,
Commoglia quanto vuoi, ch' esce lo fieto".
*SGR. Non so' cchiù ommo, cride, ma cuculo
Vedenno ca ssa trippa cchiù me strippa
De suglia, de vregara, o pontarulo.
*ETN. E io voglio u scarpariello.
Si te rongo u scarpariello
u scarpariello nun fa pe tte
G. DF. – S. A. - A Lenga Turrese. Lettera – S - 281