S - Vesuvioweb

G. DF. – S. A. per www.vesuvioweb.com
2. Spiovere.
etim. Dalla fusione di stracquo e acqua.
*BAS. e, correnno ad abbracciare Rosella, non se saziaie de stregnere la
catena dell’arma soia, non se stracquava de vasare lo vaso de li
contiente suoie.
*CORT. Ognuno a canto a te pare verrillo,
Ogne donna pe te fa sbarïune:
Ma che cammino cchiù, s'a sto vïaggio
Se stracquaria no museco de maggio?»
*SGR. Stracquato de lo chiagnere a selluzzo
C' avea tutta na notte quase fatto,
Me sentea messè Paolo già pe l' uocchie,
Quann' io diciette: "O Ammore, ecco, no puzzo
Devacato de chianto aggio, che schiatto;
Né nsaccio comme asci' da sti 'mpapuocchie.
*DB. Tu curre notte, e iuorno
Pè tutte sti contuorne
Cercanno Leparella che te fuie,
Na Vorpa, co na Cerva che te stracqua,
Perche nò cirche a mme che tanto t'ammo.
*ETN. Ma de cantà so’ già stracquáto,
e me manca mo lu sciáto;
sicché dateme licènzia,
graziosa e bella auriènza,
nfi’ ca sorchio na mèza de seje,
cu salute de lui e de lei,
ca me se secca lu cannaróne
sbacantànnose lu premmone.
*SDG. Marzo: nu poco chiove
e n’ato ppoco stracqua:
torna a chiovere, schiove,
ride ‘o sole cu ll’acqua.
stracquézza: s. f. Stanchezza, spossatezza.
*BAS. Meo, che sapeva contare fi’ a tridece, disse: «Non te lamentare de
me, bene mio, ma de lo miedeco, che volennome purgare m’have
ordenato la deieta; otra che, pe la stracquezza de cacceiare, vengo
scodato»
*CORT. Quanno 'ntese lo vecchio sto parlare
De maraviglia 'n èstrece era iuto,
Ed averria voluto cchiù spiare,
Ma Micco pe stracquezza era addormuto;
*GC. Sentive dint' a ll'ossa... 'na specie 'e stracquezza
ca t'addurmeva, ma nun era stracquezza;
era 'a serata fresca, chell'aria addurosa,
G. DF. – S. A. - A Lenga Turrese. Lettera – S - 254