S - Vesuvioweb

G. DF. – S. A. per www.vesuvioweb.com
Nfaccia a sti llastre ‘o primmo raggio ‘e sole
m’abbaglia e dice ca tu staie p’ ‘a via...
*SA. A nnuie nce pareva ca fosse venuta a pace a stá llá ncoppa, nt’a
cchillu paraviso addó nce rummaniettimo nfin’â trasuta r’a
staggione.
stágliö: s. m. Cottimo. Quantità predefinita.
etim. Da “tagliare” con -s- rafforzativa.
*BAS. La cammarera, obedenno lo re, commenzaie a pettenare lo lino, a
fare le corinole, a metterele a la conocchia, a torcere lo fuso, a
fornire le matasse e a fatecare comme a cana, tanto che lo sapato a
sera se trovaie scomputo lo staglio.
*BAS. «No me spiace l’essere sciso da lo cavallo all’aseno, né l’avere
cagnato lo palazzo riale co sto cafuorchio, li banchette vannute co
no tuozzo de pane, lo cortiggio de serveture co servire a staglio, lo
scettro co na zappa,
*CORT. E co na granne festa s'abbracciaro,
Pigliannose isce bello quanto spasso!
Po' co no granne gusto se corcaro
Ma fecero lo suonno stare arrasso,
Perché la notte a staglio fatecaro
Che se sentìjo doie miglia lo fracasso.
E Carmosina stea tanto de vena
Che chella primma notte 'scette prena.
stagná: v. tr. - 1. Rivestire con stagno un recipiente metallico.
2. Chiudere un foro con stagno.
3. Fermare una fuoruscita di liquido.
etim. Lat. “stagnum”, specchio d’acqua.
*DB. O vertute de ll'erue, lo dolore
Nò nsente chiù, lo sango se stagnatte,
E ncapo de no poco
Spremmette, e lo fierro ascette fore;
*ETN. E nu mare e bivi ‘i core
stagnarè, stagnami u core
stagno ‘a rinto e ffierro ‘a fora
E nu mare annizza annizza
pizzaiò fammi na pizza
e fammella c’a muzzarella
pizzaiò, quanto sî bella
*SCAR. S’è stagnato.
- Che cosa?
- Acqua fresca e aceto, è finito tutto.
- Ma che cosa?
- Ah, già, voi non sapete niente, io so’ caduto e me so’ scummato de
sango.
G. DF. – S. A. - A Lenga Turrese. Lettera – S - 245