S - Vesuvioweb

G. DF. – S. A. per www.vesuvioweb.com
varche e ardegni de li piscaturi,
e cumme a vvufera arreturnave
cu ccavalluni auti nturcinati
e ppisci, purpi e sseccetelle
spannea sparpetianno
ncopp’a lli cchiane.
spantàrsë: v. rifl. Meravigliarsi.
etim. Lat. “ex-paventàre”, e dallo Spagn. “espantarse”, stupirsi.
spantëcá: v. intr. Spasimare. Desiderare cosa ddifficile da ottenere.Panteco.
etim. Lat. “pantex”.
*BAS. dite al mastro ch’io voglio inanti sera
la cauza a braca racamata d’oro!
respunne a chella sdamma
che spanteca pe mene
ca fuorze fuorze le vorraggio bene!
*BAS. no piezzo de schiantone,
auta e desposta comme a confalone
e tu non tanto ’nce haie ’mpizzato l’uocchie,
che muore ashevoluto,
che spanteche speruto!
*CORT. E quanta nce ne foro 'mmedïuse
Che pe l'avere lloro spantecaro?
So' cchiù de mille, e gente de rechippo,
E nfra l'autre de 'Talia lo Re Cippo.
*CORT. Figliai Renza e facette na figliola
Che lo marito n'appe a spantecare.
Ogne vaiassa n'have cannavola
E se ne sbigna pe se sgolïare.
*FAS. Ma vede a Bardovino nteressato,
che dde lo grado suio stace scontento.
Tancrede pe na Mora spantecato,
che, ccomm'a Giorgio, va malecontento.
*BRA. E i’ spantecavo, e quanto!, ore e mumente
e pe ’sta vocca toja rossa assanguata
i’ suspiravo comme a ’nu pezzente…
spantëcátö: s. m. Spasimante.
*FR. Pecché m’ ha fatto tanto ‘o spantecato
venenno notte e ghiuorno appriesso a me?
E me purtava giesummine e rose,
*SCAR. Ah! Che io mò moro pe l’arraggio, e comme D. Feliciello che
faceva tanto lo spantecato co mme, tutto nzieme se mette a fa
l’ammore cu Emilia... Ah! Ma sta cosa però non ha da finì accossì!
G. DF. – S. A. - A Lenga Turrese. Lettera – S - 208