S - Vesuvioweb

G. DF. – S. A. per www.vesuvioweb.com
e po' c' 'a faccia
se smerzava
se girava
s'avutava 'a ccà e 'a llà
pe' da' n'uocchio dint' 'a casa.
*BRA. E quanno âmme saputo ’e averlo perzo
ce simme fatte ’e ccroce a mmano a smerza…
*RDS. S'il vous plait... le pied à gauche!
- 'A coscia 'e mammeta!... he capito?... Io a cchisto 'o vatto!
- ... Nonzignore!... Ha ritto «a gosc!»
- che r'è «a gosc»?
- Vo' ricere 'a smerza... tutt' 'o cuntrario!... Che figura 'e mmerda!
smèstërë: v. tr. Mmestere. Smestire. Urtare, investire.
etim. Lat. “investire”. Ancora “in” mutato in “sm”.
*NL. strellavano, chiagnevano, arragliavano,
venevano, correvano, ’mmestavano
tutte chill’aute Ciucce che scontravano.
*ETN. 'Nnante a 'stu puosto mio quanno tu passe.
Pecche tu scappe? che c' è chi te smesta?
Vaie pe' lu sole e a do' c' è frisco lasse.
Me vaie scanzanno cumme i fosse pesta.
*VIV. te ‘mpuoste, apre ‘a mano,
e si’ certo c’a furia ‘e smestute,
c’a furia ‘e i’ attuorno,
te faie chiano chiano
chillo pizzeco ‘e lire, ca ogne anno
assomma a migliare:
smicciá: v. tr. 1. Osservare con interesse. Sbirciare.
2. Reggere il moccolo.
DP. Addò ce steva, bella e ndifferente
chella ch’era ‘a bellezza d’ ‘o quartiere,
‘na vicchiarella sta tenenno mente.
M’ha smicciato buono, ‘a capo ‘a ‘o pere:
— Vuie site, — ha ditto — ‘o ninno mpertinente
‘e quarant’anne fa ?... Mme pare aiere!
*FR. nu guaglione mbraccio a’ mamma
picciàva forte forte,
e nu monaco cercante
smicciava a na nennella,
ca cu n’aco arrepezzava
nu pertuso a la vunnella.
*SCAR. Quelli hanno parlato francese: e parlanno francese, nce hanno
fatto smiccià no cannelotto in lingua francese!
G. DF. – S. A. - A Lenga Turrese. Lettera – S - 198