S - Vesuvioweb

G. DF. – S. A. per www.vesuvioweb.com
E me grattava senz’arte lo scianco.
*VIV. Accummencia a lavà’ d’’a matina:
ogne ghiuorno se fa na culata,
e ‘a vunnella ‘int’’e scianche, scurciata,
cchiù s’accorcia, cu ‘a capa ‘int’’a tina.
sciantósa: s. f. Cantante di varietà, di cafè sciantà. Donna dalla vistosa
eleganza.
etim. Francese “chanteuse”.
*VIV. E' brutto a fa' 'o mestiere d'o cantante:
l'aggio fatto pur'io, pirciò 'o capisco;
embe', che pozzo fa', pe' mo subisco:
stongo ô cafè scianta', no ô risturante.
*CAN. E i' canto. Che te cride? I' chiagno e canto
e po' jastemmo e po'...torno a cantá...
Ah, comm'è allèra, 'int'a stu campusanto,
'sta sciantusèlla d''o cafè Sciantá!
*CAN. Picceré', 'a capite 'a canzone?
Senz''e llire nisciuno ve sposa!
Abballate...facite 'e sciantose:
'A furtuna, ll'avit''a scetá!...
sciarabbàllö: s. m. 1. Carro a cavalli con sedili.
etim. Francese “char a bancs”, carro con panche. La trasformazione da panche a
ballo deriva dai sobbalzi continui che subivano i viaggiatori sulle strade
sconnesse. I balli popolari di una volta non erano balli lisci. Si tenga inoltre
presente la grafia con la doppia “B” che accosta lo sciarabballo al verbo
“abballare”.
2. Strummolo difettoso, saltellante per difetto di centratura della punta sull’asse di
simmetria dello strummolo.
*ETN. Nun ce vogl'ire chiù c' 'o sciaraballo,
Mo' che s' è fatt' 'a ferrovia a cavallo.
Nun ce vogl'ire chiù c' 'a carruzzella,
Mo' che s' è fatt' 'a ferrovia pe' terra
*CAN. Chesta è na festa 'e ballo...
Tutte cu 'e fracchesciasse sti signure...
E i', ca só' sciso 'a copp''o sciaraballo,
senza cercá 'o permesso, abballo i' pure!
*RDS. Ma comme... chillo va 'a Sardegna... a cchesta perucchiosa ccà, le
purtaie nu petteno p' 'e perucchie... a cchella scema le purtaie nu
sciaraballo... a cchella zezzosa ca nun se lava mai, na mutanda
merlettata... e a mme ca er' 'o sango suio niente!...
*BRA. Ca comme a pigna d’uva, dalle e ddalle,
n’aceno â vota… ànno distrutto tutto…
Ànno ammunnato bbuono ’o purtuallo
e tiene mente a tte, t’ànno arredutta
G. DF. – S. A. - A Lenga Turrese. Lettera – S - 112