S - Vesuvioweb

G. DF. – S. A. per www.vesuvioweb.com
*GD. Quanno schioppa nu sguiglio
tutto chello ca sape
'o ttrova già 'mparato.
E cresce pe se fà pate.
*SP. Eppure, u mare, u mare quant’è bello
quanno tene u culore r’u tturchino.
Si tu te mietti luongo, llá vicino,
s’arape u core e schioppa. E’ nu giuiello.
schiuvá: v. tr. Schiodare.
schiuvaziónë: s. f. Fatto crudele. Tormento prolungato. Dall’episodio della
Deposizione di Gesù.
*BRA. Te staje magnanno troppi mmorze amare?
Tutt’ ’e ghiurnate so’ ’na schiuvazzione?
Embè ce vo’ pacienza… che te pare?!
Schizzabbiéntö: Torr. Strangianome della famiglia Ascione.
schïzzëchiá: v. intr. Piovigginare.
*ETN. E o riavulo schizzechea e o nnammurato s’arrecreja
E a vecchia quanno è vecchia s’arruvina la cuperchia
E o viecchio quanno è viecchio s’arruina lu cupierchio
No no no, nunn’avimmo comme fa
*ETN. Carmeniè... e... e !... Carmeniè... e... e !...
Vien' 'a cca !... '0 vvi' ca chiove !...
—Oi ma !.. Mo, mo! Schizzechea !...
— 'I comme canta a ragosta!... A trentadoie 'e vive e gruosse!...
*TP. Nun è ca morte sulo chella faglia
ca schizzechea sparpètuo e scaiènza nta ll'ossa
ch'all'appruntà da vecchiaia
se fa cchiù velìnia e tuòsta?
schïzzillö: s. m. Gocciolina, briciola. Un pochino, na nticchia.
scì: v. intr. Scire. Ascì.Uscire. *È sciuta a Maronna.
etim. Lat. “ex + ire”, andare fuori.
*BAS. Perzò te prego, pe quanto ammore me puorte, a trasiretenne
dintro la testa e no scire fora finché non torno, ca sarrà quanto
primma»
*BAS. le deze la testa pregannolo a tenerela cara, pocca l’amava chiù de
na figlia e la stimava quanto se fosse sciuta da li rine suoie
*BAS. O che sia beneditto lo denucchio
da dove sciste, e benedetto sia
le fasce che te strenzero, e la mamma
che te deze lo latto
*CORT. n'auzarraggio - diss'io - na spennazzola,
o farraggio a costiune
e puosto ne sarraggio a na gaiola;
e nce vo bona agresta a scire fora!".
G. DF. – S. A. - A Lenga Turrese. Lettera – S - 102