Saskia Del Zotto_L'Italia - Lia Rumantscha

L’Italia
Ins scriva igl onn 1932. Igl ei primavera ella Cadi e tut ils purs ein vid sesemtgar per ir a
squitrar la grascha sils praus. Peppina ei giuadora e fa termagls cun ses fargliuns pli pigns.
“Peppina”, cloma la mumma ord casa. “Neu fai schi bien e gida mei da purtar ils sacs da
truffels.” ”Jeu vegn grad, mumma.” Quei vegn segir ina buna stad per ils purs da Mustér.
Suenter ver gidau la mumma da purtar ils sacs da truffels ord tschaler, sto ella aunc ir a
pender si il resti on curtgin. “Pina vegns in tec cun nus a far da famiglia?”, damonda il pign
Michel. “Suenter lu nevé.”
Igl ei sera, denton aunc ditg buca temps per ir a letg, ussa che las seras vegnan puspei pli
liungas fuss quei toch donn. Aschia va Peppina aunc vi tier sia amitga Gada che stat sper
els en ina pintga casa da purs. “Oh dieus Gada, sas ti che nus mein questa stad en plazza
egl exteriur! Quei vegn ina aventura mo ti ed jeu tut persulas zanua denter jasters, quei ei
enzaco tuttina in tec inquietont, mo nus duas tegnin en tuttacass ensemen, nevé Gada?”
“Ah gie constat! Nus mein questa stad en plazza, nus mein questa stad en plazza, juhu
juhe!!” Ed aschia saultan ellas duas aunc giuadora entuorn tochen ch’ei vegn stgir e
Peppina sto ir a casa. Ella scriva mintgaton en siu diari persunal. Oz scriva ella: ‘5.4.1932.
Oz era in bi gi, jeu sun stada tier Gada, mia amitga, e nus vein selegrau ensemen silla
plazza egl exteriur. Jeu saiel strusch spitgar.’ Aschia varga la primavera jamna per jamna.
Peppina vegn adina pli nervusa, pli datier che la data dil viadi vegn. Finalmein ha siu
spitgar ina fin. La damaun d’ina sonda splunta ei vid esch casa, Peppina ei immediat ord
letg, en pei ed arva igl esch. Avon ella stat ina veglia dunna. In temps ditg miran ellas mo
in sin l’autra, lu damonda la veglia: “Sun jeu cheu endretg tier famiglia Berther?” “Ehm
gie”, sbarbutta Peppina. “Saveis Vus spitgar spert in mument cheu? Jeu mon spert a far
levar la mumma.” Peppina cuora tgei ch’ella po en combra dalla mumma, mo leu ei mo il
bab vid runcar. Ord cuschina auda ella la mumma. “Peppina, has viu tgi ch’ei vegnida?”,
damonda la mumma, “quei ei tia viseta.” “Mia, daco?” “Quella dunna veglia accumpogna
tei en tia plazza. Fai schi bien Peppina buca bragia uss, ti eis bein ina gronda mattatscha,
has gie schon 14 onns.” Mo Peppina sto dar suenter allas larmas, ella embratscha sia
mumma. Ella sa ch’ella vegn buc a veser ella per in liung temps.
Ed aschia entscheiva l’aventura per Peppina. Sesend silla carrotscha, vesa ella el stgir dalla
damaun ch’ella ei buca persula. Gada ed aunc in pèr auters affons ein leu. “Gada! Tgei
cletg che ti eis era cheu”, scutina Peppina. “Jeu hai in tec tema Peppina, jeu sai buca nua
che nus vegnin menai.” “Jeu era, mo ei vegn segir tut bien, nus vegnin tier ina cara
famiglia cun flots affons.” ,,Ti has segir raschun, Peppina.” La carrotscha meina els tras
Rabius e tras l’entira Surselva. Siu viadi va dus gis e duas notgs. Igl ei baul la damaun che
zatgei fa vegnir neunavon Peppina. Dus affons ch’ella enconuscha buca bandunan il carr e
van en direcziun d’in vitg. “Nua van els dus?”, damonda Peppina la veglia. “Quei va tier a
ti nuot!”, rispunda lezza en in tun aschi nausch che Peppina ughegia buca da dumandar
vinavon.
Ei varga aunc in di che in pèr affons van, cu ei para dad esser la fin dil viadi. Mo lu
schabegia enzatgei nunspitgau. “Ti cheu mattatscha”, camonda la veglia a Gada, “ti has
dad ir en quella direcziun el vitg!” Ella muossa cul det enzanua. Peppina leva era
descender, che la dunna tschappa ella pil bratsch. “Ti stas cheu, mia buna!” Peppina vul
sedeliberar ed ir tier Gada, mo la veglia strenscha mo aunc pli fetg siu maun. “Gada ei mia

amitga, jeu vi era ir cun ella sil bein puril a luvrar!! Schei dar mei, jeu vi uss ir cun Gada,
Lai dar mei immediat, ti tuppa caura!!!”, sgregna Peppina e cauldas larmas dalla gretta e
dalla violenza cuoran ad ella dalla vesta giu. Ella dat culs pugns e culs peis suenter alla
dunna. Mo lu tucca enzatgei dir siu tgau – ella piarda la schientscha ed ei vegn tut ner
entuorn ella.
Peppina sa buca con temps ch’ella ha durmiu, mo ei sto esser ualti ditg – il sulegl va schon
da rendiu. “Nua sun jeu?”, leva Peppina dumadar la veglia, mo ella ei buca pli leu. Enstagl
ei uss in um sin la carrotscha. “Ah, è svegliata!”, cloma quel, mo tgei munta quei? In auter
um contempla ella da surengiu: “Sì, sì allora abbiamo ancora ca. mezz’ora finché arriviamo
a Venezia.” “Tgei lungatg tschintscheis vus insumma?”, vul Peppina saver dils dus. Mo
lezs miran mo crutsch sin ella e din: “Ma di dov’è quella bambina, non è sicuramente
italiana!”,,E mi hanno detto che lei è svizzera.” “Ah, una svizzera.” “Tgei vuleis vus da
mei? Jeu vi ir a casa.” A casa – cheu vegn tut puspei endamen ad ella, ch’ella ei ida naven
da casa cun ina carrotscha e ch’ella ha stuiu prender cumiau da Gada.
Gl’emprem ein els i encunter vest e lu engiu, also el sid. Aschia ei quei! Ella sesanfla
ell’Italia, tgei cletg ch’ella ha dau bein adatg en scola en geografia. “Capis vus dus lu
insumma buca romontsch gnanc in tec? Jeu vess numnadamein in pèr damondas.” “Che
cosa ha detto la bambina?” “Io ho capito qualcosa di capire romancio o qualcosa così!”
“Noi non capiamo il romancio cara mia.” Oje tgei ha el ussa puspei paterlau? Enzatgei da
‘no capire’. Aha els capeschan buca romontsch!
Miarda! Tgei fetschel jeu ussa pomai? Mo ei resta buca temps ad ella da sefar patratgs sur
dil lungatg e sia situaziun, perquei che gest en quei mument vesa ella in marcau ch’ei
nundetg bials, cun ina baselgia aschi biala e gigantica ch’ella ha aunc mai viu. “Allora
signorina, siamo arrivati a Venezia.” Mhm... Venezia, in bi num per in marcau, patratga
ella. Els carreschan cumadeivel atras il marcau vegl, cheu seferma la carrotscha. “Ecco ci
qua. Devi scendere adesso e andare in questa casa, bambina.” El muossa sin ina casa avon
siu nas. Aha mia plazza. Ella gi aunc spert adia als dus umens e va lu en direcziun
mussada. Ella splunta vid igl esch casa. Nuot. Ella splunta quella gada schi fetg che ses
mauns fan mal. Uss auda ella pass. La porta sesarva ed ina fumitgasa cumpara. Ella
contempla Peppina per in mument da sum tochen dem, lu gi ella: “Ah tu devi essere la
bambina svizzera.” E meina ella ell’emprema alzada. Co quei vesa ora nobel cheu, patratga
ella per sesezza. E lu pér il tschabergal tut ord bronz. Ella vegn strusch da serrar la bucca
dil surstar. “Qui è la tua cameretta”, di ella. Peppina va en e metta sia coffra sper il letg. La
combra ei ualti pintga ed ha en bunamein neginas mobiglias, mo quei ei gie buca schi
nausch, ina combra tut mo per ella, a casa ha ella stuiu parter la combra cun ses fargliuns.
“Vieni dopo giù che ti dico cosa devi ancora fare oggi”, gi la fumitgasa. “Oje mine. Tgei
ha ella ussa detg a mi?” In mument: “Enzatgei da vegnir giu fare. Ah, i giu a far enzatgei.
Peppina semetta sin via dad ir engiu, mo ella ha ditg, perquei ch’ella sto contemplar tut,
ella streha culla detta sur ina bellezia fatscha orda gep vi.
Puspei leugiu vegn la fumitgasa schon encunter ad ella. “Non toccare mai le cose qui in
casa capito!?” “Eh... gie capito.” “Allora qui ci hai i tuoi vestiti di lavoro.” Ella tegn
encunter a Peppina ina rassa che vesa ora sco sch’ella fuss schon vegnida purtada d’in pèr
persunas. Suenter ver tratg en quella rassa orda glin, vegn la fumitgasa, che hagi num
Francesca, e fa schubergiar ella la cuschina da sum tochen dem. Igl ei tard la sera cu
Peppina ha finalmein finiu la cuschina. Ella seschlueta anavos en sia combra. En letg vegn

siu diari endamen ad ella. Ella pren neunavon siu cudischet e scriva en: ‘28.5.1932. Oz sun
jeu arrivada cun ina carrotscha a Venezia – il liug da mia nova plazza. Igl ei aschi
marveglius cheu ell’Italia. Mo ussa stos jeu calar, jeu sun stauncla.’ Peppina patratga aunc
in tec sur da siu temps en quella casa e selegra schon sil proxim di e spera che quel vegni
era schi interessants sco il vargau. Zatgei ha Peppina sepriu avon: Ella vul anflar zanua in
vocabulari, forsa silmeins in sin tudestg-talian, in techelin tudestg sa ella gie.
Il di ha entschiet e Peppina ha survegniu il pensum dad ir sin posta per las brevs. Ella ha
survegniu ina descripziun nua che la posta seigi. Mo detg eisi lev. Ella sedamonda atras
entir Venezia, e gliez era buca schi lev, sch’ins patratga co ei stat cun siu talian, entochen
ch’ella anfla la posta. Sper la posta, e lezza ei plitost ina baracca che ina casa, stat ina
bellezia caplutta. Ella mira mo pli sin lezza, cu ella petga ensemen cun enzatgi. “Oh scusa,
attenta signorina.” Avon ella stat in mat circa en sia vegliadetgna. “Ti ho fatto male?”
,,Ehm, ich kann nicht sprechen italienisch”, gi Peppina. “Aha von wo bist du denn?” ,
damonda il mat sin tudestg. “Ich komme aus Schweiz”, rispunda ella. “Ach so. Ich bin
Giorgio. Und wie heisst du?” “Ich heisse Peppina.” “Also Peppina, willst du ein
Stadtrundgang machen, ich könnte dir Venedig zeigen?”, vul el saver. “Ich weiss nicht ob
ich darf.” “Ach komm das geht nicht so lange, nur ein bisschen die Stadt ansehen.” “Ja ich
komme, aber ich darf nicht zu lange, sollte eigentlich nur die Post holen.” Els spassegian
tras il bellezia marcau da Venezia. Giorgio muossa ad ella la mar e di co mintga punt ha
num. Els visetan aunc la baselgia che plascheva aschi grondius a Peppina. L’ura baselgia
tucca gia da miezdi, cu Peppina senta co il temps varga. Ella gi spert tgau a Giorgio e cuora
tgei ch’ella po a casa. Arrivada, auda ella gia dalunsch co Francesa sevila tgei ch’ella po.
“Dove sei stata? Devi ancora pulire i piatti in cucina. Dai, vieni dentro e fai cosa ti ho
detto.” “Gie, mondel jeu grad a far.” Ed aschia schubregia ella e fa uorden gl’entir
suentermiezdi. Mo propi seconcentrar sa ella buca silla lavur, ella sto trasora patertgar vid
Giorgio. Con honzelis e tgei bi giuven ch’el ei, e quels bials egls brins plaschevan schon
dall’entschatta enneu a Peppina.
La sera ha Peppina l’emprema gada la honur dad entupar la signura dalla casa. Ella ha detg
bien di, mo la signura ha mirau anetg agradora ed ei ida vinavon. Peppina damonda
Francesca nua ch’igl um seigi lu. Francesca di che lez seigi adina a luvrar, el lavuri tier la
canzlia dil marcau da Venezia, e mondi la damaun baul e tuorni la sera tard, ins vesi
bunamein mai el. Peppina tema che Francesca mondi a gir alla signura ch’ella seigi stada
naven igl entir avonmiezdi, mo ella gi tgei cletg nuot. Atgnamein ei Francesca tuttina aunc
in cara, patratga Peppina. Perquei ch’ella leva entscheiver ad enconuscher sia collega
meglier, di ella: “Francesca, vul dar cun mei in giug?” “Cosa dici? Non ti capisco!” “Un
giugo fare?” “Ah così, vuoi dare un gioco con me?” “Sì, un gioco.” Aschia muossa
Peppina a Francesca in pèr giugs ch’ella sa aunc da casa. Ellas han dau schach sin in pupi
ch’ellas han malegiau en cun las colurs ner ed alv. A Francesca han quels giugs plaschiu
fetg bein. “Con veglia eis ti atgnamein, Francesca?” “Cosa vuoi dire, quanti anni che ho?
Beh, sono diciassette. E tu?” “Quitordisch.” “Quattordici?” Peppina dat il tgau. Lu vegn ei
endamen a Peppina ch’ella vul gie encurir in vocabulari. Ella damonda Francesca nua
ch’ella sappi anflar in vocabulari da talian en tudestg. Ella anfli in ella biblioteca dil
marcau, la via ha Francesca era grad dau cun. Peppina schai en letg e selegra ch’ella ha
anflau cheu egl jester ina cara amitga. Denton lai ella per l’emprema gada encrescher dapi
ch’ella ei cheu ell’Italia. Ses fargliuns, culs quals ella ha fatg termagls avon casa, la

mumma che tedlava adina tier ad ella cu ella duvrava ina ureglia aviarta. Schizun pil tgaun.
Im pèr larmas roclan dalla vesta giu.
L’auter gi semetta Peppina schon la damaun baul sin via tier la biblioteca. Mo cu ella vul
entrar, eis ei serrau giu. “Die Bibliothek öffnet erst am Nachmittag.” Peppina semeina tut
surstada entuorn e mira direct els egls da Giorgio. “Ah, hallo Giorgio, schön dass dich
sehe. Schade, ich komme dann halt erst Nachmittag.” “Was willst du denn für ein Buch aus
der Bibliothek?”, damonda Giorgio. “Ein Wörterbuch.” Giorgio ed ella han fatg giu ch’els
enquerien ensemen il suentermiezdi il vocabulari. Peppina selegra schon gl’entir
avonmiezdi silla sentupada cun Giorgio.
Ella sto haver mirau ualti semiau entuorn, perquei Francesca damonda: “Cos’hai Peppina,
sei innamorata, vero? Chi è?” “Siu num ei Giorgio.” “Ah, Giorgio. Ma com’è il suo
cognome?” “Gliez sai jeu era buc”, di Peppina tut sfundrada en ses siemis. “Raccontami un
pò, forse lo conosco!” “El ei gronds, ha bellezia egls, ei honzelis, ed ha cavels brins e
tschuors ed el ei fetg simpatics.” “Allora, vediamo se ti ho capito giusto: lui ha bials, elgs??
Ah ha degli occhi belli, ha i capelli ricci ed è simpatico?” “Sì, molto simpatico!” Francesca
patratga empau, lu cloma ella tut agitada: “Giorgio Seguso! Lui è il figlio del Signor
Ludovico Seguso!! Mamma mia, e tu lo hai incontrato? Il suo papà e uno dei più famosi
medici a Venezia!!” “Spetga in mument, Francesca! Tgei tscontschas cheu?? El ei in reh
giuven da Venezia?” “Eh... sì sì è molto famoso – tutti lo conoscono. E tutte le signorine
lo vogliono come marito.”
Aschia han las duas mattaschas aunc paterlau ditg e liung sur da Giorgio, e Peppina senta
spert, che sco fumitgasa aud’ins bia tgei tschontschas che circuleschan en in marcau sco
Venezia.
Peppina ha cuschinau la marenda, mo nuot vuleva gartegiar ad ella: ella suppa ha ella mess
memia bia sal, ils spaghettis ein vegni bia memia loms ed il sugo ei vegnius ina catastrofa
nundetga. “Mamma mia! Che disastro, che cosa fai Peppina? Aspetta che ti aiuto.” “Jeu
level cuschinar e lu ei semplamein tut iu dasperas!” Peppina ei cuort avon las larmas, ella
veva messa avon sia plazza tut auter! Ed uss eis ella cheu tut persula en ina tiara
nunenconuschenta cun in lungatg jester, ella sa buca pli retener las larmas, ellas cuoran e
cuoran e vulan buca calar. “Ma Peppina, non devi piangere, non è cosi grave, ci sono io
che ti posso aiutare!” Francesca embratscha Peppina e consolescha ella, tochen che las
larmas calan da cuorer, ella gida Peppina nua ch’ella sa ed ellas fan ina buontad marenda.
Schizun la signura fa in cumpliment ad ellas pil da magliar.
“Jesses, igl ei gie schon las duas! Jeu vaiel fatg giu cun Giorgio che nus s’entupeien avon
la biblioteca per encurir il vocabulari!”
“Allora vai, prima che la signora sente cosa succede!” Peppina cuora tgei ch’ella po.
Arrivada avon la baselgia, trai ella flad sc’in bov; ella ha mal il culiez dil cuorer. Peppina
mira entuorn ella, mo negin Giorgio. Ella spetga in’uriala. Ella ei trumpada da Giorgio, ella
ha sperau ch’el vegni e selegrau l’entir gi. Ella vul sefar sin via encunter casa, cu ella auda
ina vusch enconuschenta: Giorgio! Ella semeina entuorn e cuora encunter a Giorgio ed
embratscha el. Lez seperstgisa en grond stil – cun ina rosa. “Diese Rose ist wunderschön
Giorgio, danke.”
Els dus van patgific ella biblioteca. Els dus passentan in bellezia suentermiezdi denter
cudischs ed in carstgaun ch’ei vegnius d’impurtonza. Igl ei gia stgir cu la bibliotecara sefa

udir e vul serrar la biblioteca. Peppina e Giorgio van cumadeivel tras las bialas streglias da
Venezia. Arrivai avon la casa da Peppina, miran els dus els egls in a l’auter e sentan il
medem. Cheu vegn la fatscha da Giorgio pli e pli datier ed el dat ina liunga buna a
Peppina.
“Igl ei stau las pli bialas uras en mia veta tochen uss. Nus vein tschintschau sur da nossa
veta – el sur da sia a Venezia ed jeu dalla Svizra. Igl ei stau marveglius ed aschi romatic!!
E mett’avon, la fin ha el schizun dau ina buna a mi!! Dieus Francesca, jeu sai aunc adina
buca crer ei!!” “Ma bellissimo!! Mi rallegro per te!”
Francesca e Peppina patarlan l’entira sera sur dall’amur e sia bellezia. Ed ellas emprendan
era cul vocabulari ils plaids dad A e B.
L’auter gi vegn Peppina neunavon e selegra gia sil gi. Ella schubregia e lavura tgei ch’ella
po.
Francesca ei tut surstada da Peppina con luvrusa ch’ella ei oz. E sch’ella sepren inagada
ina pausa, lu pren ella neunavon siu vocabulari ed empren talian. In bellezia lungatg sco
ella sa constatar suenter cuort temps. Ella nezegia mintga pusseivladad per ir giuadora ed
entupar Giorgio. Cul temps ha ei dau per els dus sc’in liug discus che mo els dus
enconuschan e nua ch’els sentaupan mintga gi.
Peppina gauda mintga minuta cun Giorgio; els van lu ensemen tras il marcau e patarlan.
Mo il pli bi ei ch’ella sa ussa s’entelgir cun Giorgio sin talian. Dapi sia arrivada a Venezia
ein ussa vargadas 3 jamnas, ellas qualas ella ha empriu cugl agid da Francesca e Giorgio
intensivamein talian. Aschia ch’ella sa ussa discuorer pli u meins bein talian. Las
dumengias gauda Peppina cun Francesca e Giorgio ell’aria frestga, ina gada cun ina barca
sur ils canals da Venezia, ni era ina patgifica spassegiada tras il marcau vegl.
Ella s’entaupa ussa mintga gi cun Giorgio tier siu liug. Els gaudan il temps ensemen.
Denton il pli bi ei per Peppina las bunas, ella sa buca survegnir avunda da quels bials
muments.
Pér ussa senta Peppina con costus ch’il temps ei. E per l’emprema gada sa ella capir las
giuvnas da siu vitg a Mustér che raquintavan adina discus, denton dad ault avunda che
Peppina saveva udir, con bi ch’ei seigi da passentar il temps cun mats. Leu ha Peppina
adina tertgau con tuppas che quellas ein e con ditg ch’ellas savevan paterlar dad in ed il
sulet tema.
Ella careza Giorgio sur tut, mo igl atun rucchegia adina pli datier e Peppina sa ch’ei vegn
gleiti temps per ella dad ir a casa, ella Svizra. Ella emprova da declarar quei a Giorgio, mo
igl ei aschi grev da dir aschi’ina tresta caussa ad in carstgaun ch’ins careza. Giorgio ed ella
ein fetg trests, mo els vulan aunc guder il temps communabel che resta aunc.
Mo mintga gada ch’ella arriva avon esch-casa, spera ella ch’ei detti negina reacziun dalla
signura ni dalla famiglia ella Svizra. Mo mintga gada eisi tut usitau ed ella entscheiva a
cuschinar la tscheina. Inagada denton lai la signura Bruni clamar ella en sia stanza. Peppina
trembla, ella ha gronda tema ch’ella stoppi uss ir a casa. Ella pren plaz visavi la signura che
gi: “Peppina, dovesso spedirti a casa, però ci ho tanto lavoro qui in casa e Francesca non
può fare tutto da sola. Ho deciso che puoi stare ancora fino la primavera.”
“Juhuiiiiiii, Francesca dove sei!!!!?? Devo dirti qualcosa d’importante.” “Ma perché gridi
così, Peppina?” “Posso ancora stare qui fino la primavera, è così bello!!!” “Ma è
bellissimo!! Dai Peppina, andiamo adesso da Giorgio per dirlo cos’è successo!”

Ellas cuoran tgei ch’ellas pon tier il liug discus!! E plein legria resdan las duas ad el la
buna nova. Giorgio embratscha ella e dat ina fetg liunga buna ad ella.