Grammatica d'instrucziun dal rumantsch grischun - chattà.ch

41 Las differentas gruppas da pleds pon damai avair ils sequents dievers sintactics.
28
subject object direct cumplement
gruppa
predicativ
nominala Mes frar Ier ha el dis- El è gia in
dissegna segnà nossa mez artist.
fitg bain. chasa.
preposiziu-
El astga
nala
valair per /
sco fitg
talentà.
cumplement
preposiziunal
El profitescha
da mintga
chaschun per
dissegnar.
cumplement
adverbial
El dissegna
mintga di.
Usualmain
dissegna el
cun tusch.
El lavura
sco in profi.
adjectivala El è fitg
talentà.
adverbiala El lavura
fitg exact.
Remartga:
Sin basa da quella tabella pon ins er eruir, tge furma ch’ils differents dievers sintactics
han usualmain. Il subject è p.ex. usualmain ina gruppa nominala. Differentas gruppas
pon dentant per part er vegnir remplazzadas dad autras furmas, la gruppa nominala sco
subject p.ex. dad infinitivs u proposiziuns subordinadas:
Dissegnar è vaira difficil.
Tgi che sa rumantsch sa dapli.
42 Ils pleds ch’accumpognan ils pleds principals d’ina gruppa numn’ins attributs:
La figlia giuvna da Rita ha oz 20 onns.
Ils attributs èn: La, giuvna, da Rita
Remartga:
En autras grammaticas vegn l’artitgel er quintà directamain tar il nomen. En questa
grammatica vegnan ils artitgels tractads sco ils auters accumpagnaders.
43 Er ils attributs pon avair differentas furmas. Els pon esser:
in artitgel u in pronom: La / quella figlia ha 20 onns.
in adjectiv: La figlia giuvna ha 20 onns.
ina gruppa preposiziunala: La figlia da Ria ha 20 onns.
in nomen: Jau baiv mintga damaun ina scadiola latg.
in adverb: La roda davant è platta.
2.5. Las sorts da proposiziuns subordinadas
44 Las proposiziuns subordinadas èn proposiziuns che dependan d’in’autra proposiziun e
na pon betg star sulettas (§ 21). Sintacticamain remplazzan ellas in cumplement u, pli
darar, in attribut.
Jau na crai betg ch’el vegnia oz. Jau na crai betg quai. (object direct)
Suenter ch’el ha gì bavì in magiel aua, è el sa sentì meglier.
Lura è el sa sentì meglier. (adverbial)
Guarda l’auto che jau hai cumprà. Guarda mes nov auto. (attribut)