ainda no a disidí si a disidí si a disidí si ta persiguí a persiguí ...

Originalmente nos mester a hasi e
E E TRA TRAGEDIA TRA GEDIA DI
DI
BUEL UEL UELO UEL O 965
965
buelo di aseptashon di e avion djaweps,
25 di yüni 2009, den dia. Sinembargo
esaki no a bai dor, komo ku e
mekánikonan di Binter, ku a traha riba
e avion, a konfrontá un mal indikashon
riba e sistema di e tren di aterisahe di e
avion.
Un buelo di prueba den skuridat no
ta e mihó kos pa hasi, anke ku m’a yega
di hasi un buelo asina si na Canada fin
di aña pasá. Na Canada, kon ku bai bin,
nos a bula riba tera i ademas tabatin un
kantidat grandi di aeropuerto alrededor
di e ruta ku nos a plania e tempu ei. Na
Las Palmas, Gran Canaria, esaki no ta
posibel, komo ku ta trata di un isla
rondoná pa awa.
Tabata te den oranan di atardi lat ku
e avion tabata kla i nos a opta pa hasi e
buelo e siguiente dia, esta djabièrnè
mainta. Un buelo asina aki tin diferente
punto di atenshon kuné. Ta un avion ku
nan a plama na pida pida nos tin ku bai
bula kuné i ta lógiko ku nos tin ku
kontrolá delaster un kos promé ku nos
aseptá e avion pa bai bula. Ta lógiko ku
despues di un chèk asina ku bo ta haña
poko fayo chikitu ku mester remediá.
Hasiendo uso di un ‘checklist’ nos
mester a kontrolá diferente sistema di
e avion, tantu den haltu komo na tera.
E buelo di prueba a bai bon i nos a
bula entre e islanan Canaria ku un
paisahe hopi bunita. Despues nos a
regresá Las Palmas pa entregá un lista
ku algun punto di korekshon. Kos tabata
pinta generalmente hopi bon i nos por a
kuminsá hasi e preparashonnan pa sali
e siguiente dia, esta djasabra, pa
Kòrsou.
Pa a hasi e buelo largu ku tabata
nos dilanti, mester a laga instalá un radio
HF den e avion pa nos por komuniká
ku sentronan di kontròl aéreo na
momentu ku nos ta krusando Atlántiko.
Bou di e parti patras di e avion a hasi
instalashon di e antèna aki.
Komo medida preventivo nos a bai
un sentro médiko na e sentro di Las
Palmas pa por tuma vakunashon kontra
sierto enfermedatnan. Na momentu ku
bo bai sierto paisnan manera Afrika,
Brazil, Sürnam i asina por sigui
menshoná, ta nesesario pa tuma e
inyekshon aki pa bo mes protekshon.
Anochi nos a yega hotèl, kumpra
algun kos den e sentro komersial El
Vecindario, miéntras ku mainta trempan,
6’or ora lokal, nos a sali pa aeropuerto
pa inisiá e buelo. Huntu ku Veejay Sukul
i ami a biaha Irvin Frans komo
mekániko/ingeniero, miéntras ku
Santiago Hoyos, esun ku tabata enkargá
ku supervishon di e trabounan pa DAE,
tambe a biaha ku nos. Santiago ta di
Colombia i na Kòrsou e lo a hasi
konekshon ku Avianca òf DAE mes pa
sigui pa kas. Frans ku Santiago tabatin
algu mas ku un luna na Las Palmas i ta
lógiko ku nan kier a bai kas pa kaba.
Un djasabra mainta, ku kasi nada di
bientu, nos ta yega na e avion, PJ-XLM.
Den salida di solo nos ta tuma
despedida di e trahadónan di Binter ku
a deseá nos bon buelo. Wer segun e
pronóstikonan tabata mustra bon, ku
eksepshon di algun nubia grandi ku
tabata sali for di kosta wèst di Afrika
den direkshon wèst. Ta nubianan ku ta
forma parti di e ‘Inter Tropical Convertion
Zone’, ku ta e zona kaminda orkannan
sa forma i drenta Karibe den e
temporada aki.
E ruta ku nos lo a bai kubri tabata di
Las Palmas (Gran Canaria), Praia (Cabo
Verde), siguí pa Natal (Brazil), kaminda
nos lo a pasa un anochi di sosiegu. E
buelo di Las Palmas pa Praia a bai bon.
El a dura 4 ora i 20 minüt. Tur e pida aki
tabata bulando riba laman alrededor di
e kosta wèst di Afrika. Nos a bula na un
altura di 24 mil pia.
Promé ku nos a sali for di Las
Palmas, personal di Binter a pone
sufisiente kuminda, awa, djus i soda na
bordo pa nos por haña. Durante e
trayekto aki nos tabata hopi okupá pa
plania i determiná sierto puntonan.
Antèna HF ku a keda instalá na e patras di e avion
pa por komuniká ku sentronan di kontròl di tráfiko
aéreo.
Saliendo for di Las Palmas den oranan trempan di
mainta.
Ehekutando un buelo asina semper bo
mester tin puntonan ku bo ta stipulá pa
ku si akaso algu mester pasa, ki
desishon nos lo tuma. Komo ku no
tabatin muchu opshon di aeropuerto
alrededor di e ruta, nos mester a hasi
diferente kalkulashon pa determiná e
puntonan aki. Un buelo ku generalmente
a bai hopi bon.
Praia ta un isla ku ta pertenesé na
Cabo Verde. Adelantá mi tata a bisa ku
na Cabo Verde nan ta papia un idioma
práktikamente igual ku nos idioma
papiamentu. Bahando na Praia mi
tabata tende bèrdat algun piloto ta papia
algu hopi similar na papiamentu. Mi por
a sigui nan kombersashon pa 80%.
Na momentu ku nos a baha m’a tira
un pará i kuminsá papia papiamentu,
djis pa wak kon nan ta reakshoná. E
reakshonnan tabata inkreibel, pero
bèrdat, positivo. Nan no ta papi’é 100%,
pero nan ta komprondé si kiko bo ta
papia ku nan. Palabranan manera ‘bon
dia’, ‘bon tardi’, ‘konta bai’ tabata masha
normal den nan vokabulario. Mi a asta
filma kombersashon ku e personal di
rampa ku a atendé ku nos pa mi tin
prueba.
E klima di e lugá ta hopi similar na
esun di Antia. For di nos avion den laria
mi tabata mira algun kas den situashon
hopi pober. Puntrando pa sa mas di e
lugá mi a komprondé ku enbèrdat e
grado di pobresa ta basta haltu einan.
E stòp na Praia i tur e otronan ta
mas bien pa kue kombustibel. Akinan
sigur nos tabatin mester di tankinan ful
ku kombustibel, komo ku nos tabata
pará na inisio di krusa Oséano Atlántiko.
Un buelo di kasi seis ora i mei den un
ATR 42 di propèler. No ta algu ku bo ta
eksperensiá tur dia i pa nos tur e tabatin
un nifikashon balioso. Nada di tenshon,
sino mas bien un aventura i eksperensia
úniko. (ta sigui otro siman).
Tumando ‘catering’ na Praia, promé ku nos a sali pa Natal.
E ruta ku nos a bula di Islanan Canaria pa e islanan di
Cabo Verde.