Is Pregadorias antigas: su signo de sa devozioni - Provincia del ...

98
ses dulciura celestiali
a nosàtrusu donada! Rit.
3) De Càscia bellu ornamentu
de s’Úmbria fecunda prama
as a èssi glória e fama
de is Agustinus cuntentu,
donniunu mirat atentu
bundadi privilegiada. Rit.
4) Singulari in ermosura
de virtudis adornada,
ses de totus istimada,
angélica criatura
e in tali bella figura
ses de totus ammirada! Rit.
5) De sa prus pitica edadi
signali raru as donau
candu a Deus as cunsagrau
sa bella virginidadi
però contra voluntadi
tui benis isposada! Rit.
6) Sendu ancora in s’innocéntzia
cun rigori digiunasta
santidadi dimostrasta
bivendi in astinéntzia
e puresa e peniténtzia
istimas mortificada! Rit.
7) Unu maridu tirannu
pigas po s’ubbidiéntzia,
màrtiri de passiéntzia
po tanti tratu inumanu,
de s’Isposu soberanu
cun carignu ses tratada! Rit.
8) In tanti persecutzioni
mai ti mostras discuntenta
de tali dura turmenta
triunfas cun s’oratzioni
su sposu cun divotzioni
lassat sa vida malvada! Rit.
IS PREGADORIAS ANTIGAS - SU SIGNU DE SA DEVOTZIONI
9) Candu sa paxi gustai
ti creis suavementi,
ecu ti bis de repenti
tali isposu trucidai,
ma tui in perdonai
totu ses determinada! Rit.
10) Is duus fillus chi teniast
a Deus as bófiu donai
po no lompi a pigai
sa vengantza chi timiast,
su stadu chi pretendiast
sollécitas impegnada! Rit.
11) Custu disígiu Divinu
privat sa regla sagrada
po chi fémina fiudada
non podit: però Austinu
cun Batista e Tolentinu
donant gratziosa intrada! Rit.
12) Is religiosas in totu
su prodígiu ispantadas
ti ammitint consoladas
po tenni tali acunnortu,
sa pura rosa incarnada
de Maddalena in s’ortu. Rit.
13) Sendu in santa religioni
e novítzia e professa
si mirat in tui espressa
totali perfetzioni
chi santa emulatzioni
in totus benit causada! Rit.
14) De sa mística dotrina
ses maista singulari
in Càscia grandu esemplari
de isciéntzia peregrina,
ses de sa manu divina
dotoressa laureada! Rit.
15) In d-una santa astinéntzia
e virtudis peregrinas