Is Pregadorias antigas: su signo de sa devozioni - Provincia del ...

Comune di Furtei
a sa redentzioni umana
e sa gràtzia soberana
oferit cun fervori. Rit.
3) Nascit sa fémina forti
chi Salomoni circhesit,
nascit sa chi reparesit
a s’intima de sa morti,
nascit de s’ebrea corti
su dorau risplendori. Rit.
4) Nascit sa filla istimada
de s’Eternu Creadori,
de su veru Redentori
nascit sa mama aspetada
E nascit s’Isposa amada
de su Deus Consoladori. Rit.
5) Nascit s’àcuila reali
chi cun modu peregrinu
ponit is fillus in camminu
a su sóliu celestiali,
nascit oi su manuali
de is donus de su Signori. Rit.
6) Nascit sa Racheli ermosa,
nàscidi Lia fecunda,
nascit Sara giucunda,
nascit Jael donosa,
sa Dèbbora prodigiosa,
sa Giudita de prus valori. Rit.
7) Nascit s’Ester figurada,
nascit Ruth ossecujosa,
e nascit sa mellus rosa
chi est in Géricu prantada
e nascit predestinada
reina de dogna frori. Rit.
8) Nascit oi s’Ave Maria,
prena de gràtzia e amori,
poita in Issa est su Signori,
in perpétua cumpangia
chi s’iscàmbiat cun allegria
tribbutu de glória e onori. Rit.
9) Gioachinu, ita fieresa!
candu ammiras sa pipia,
e dhi naras benienia
po allirgai sa becesa,
cun sa rara tua bellesa
de su tempus benidori. Rit.
10) Intendeis unu cantu
pronuntziau a boxi manna?
Sa chi cantat est Sant’Anna
ispassiendu sa Bambina,
custa giojosa Reina
de su mundu su lugori. Rit.
11) In Furtei Santa Maria
est connota e invocada,
de s’afrigiu est pregada
cun sincera devotzioni
meritendu beneditzioni
paxi e bèni cun amori. Rit.
Santa Rita 132
De Gesús ses istimada,
De impossíbbilis protetora,
Siast nostra intercessora,
Rita beniaventurada!
1) Su nòmini e nascimentu
de un’Àngelu est avisau
a mama tua isvelau
cun singulari portentu,
o nóbbili argumentu,
prenda de celu calada! Rit.
2) Cun sa gràtzia batismali
ti cunservas innocenti,
is abis divinamenti
dònanta custu signali,
97